पुस १३, काठमाडाैं । तापक्रम निरन्तर घटेसंगै देशका भाइरल ज्वरोको संक्रमणले तिब्र रुपमा बढिरहेको छ । काठमाडौंसहति देशका विभिन्न स्थामा यतिबेला ज्वरोका बिरामीहरूको बढिरहेको छन् ।
उच्च चिसो र प्रदुषणका कारण भाइरल संक्रमणले मानिसको स्वास्थ्यमा प्रभावित पारेको छ । सामान्यबाट सुरुहुने भाइरल संकक्रमण बढ्दै जादा उच्च जरो, रुघाखोकी र अत्याधिक थकान महसुस हुने यसका प्रभावितको भनाइ रहेको छ । धेरै व्यक्तिलाई केहीदिनको घरमै आरम गरेपछि निको हुनेगरेको छ भने उच्च जरो तथा टाउको दुखाइ हुदाँ भने अस्पताल वा डाक्टरको परामर्शमा बस्नुपर्दछ ।
धेरैजसो बिरामीहरूमा सुरुका केही दिन धेरै जाडो महसुस गर्ने र त्यसपछि लगातार ज्वरो आउने समस्या देखिने गरेको छ । यो संक्रमण श्वासप्रश्वासका माध्यमबाट एक व्यक्तिबाट अर्को व्यक्तिमा छिटो सर्ने हुनाले अन्या मानिसमा छिटो फैलने गर्दछ । विशेषगरी रोग प्रतिरोधात्मक क्षमता कम भएका बालबालिका, सुत्केरी महिला र वृद्धवृद्धाहरूमा यसको प्रभाव अझ बढी गम्भीर देखिने गरेको छ।
भाइरल जरोबाट बच्न के गर्ने ?
भाइरल ज्वरोबाट बच्नका लागि आफ्नो दैनिक जीवनशैली र खानपानमा विशेष ध्यान दिनपर्ने स्वास्थ्यकर्मीको सल्लाह रहेको छ । घर बाहिर निस्कँदा अनिवार्य रूपमा मास्कको प्रयोग गर्ने र भीडभाड हुने ठाउँबाट टाढै रहनु पहिलो प्राथमिकता हुनुपर्छ। बाहिरबाट घर फर्किएपछि साबुनपानीले राम्रोसँग हात धुने वा सेनिटाइजरको प्रयोग गर्ने बानीले संक्रमणको जोखिमलाई निकै कम गर्दछ। साथै, चिसोबाट बच्न न्यानो लुगा लगाउने र शरीरको तापक्रमलाई सन्तुलनमा राख्न तातो खानेकुरामा जोड दिनु पर्दछ।
यदि ज्वरो आएकै खण्डमा पनि आत्तिनु पर्ने अवस्था रहँदैन, तर सावधानी भने अपनाउनै पर्छ। ज्वरो आउँदा शरीरमा पानीको मात्रा कम हुने सम्भावना प्रबल रहन्छ, त्यसैले प्रशस्त मात्रामा तातो पानी, गेडागुडीको रस, र झोलिलो पोसिलो खानेकुरा पिउनु पर्छ। यस समयमा शरीरलाई पूर्ण आरामको आवश्यकता हुन्छ।
धेरैजसो मानिसहरू ज्वरो आउनेबित्तिकै आफैँ औषधी पसल पुगेर ’एन्टिबायोटिक’ किनेर खाने गर्छन्, जुन स्वास्थ्यका लागि निकै हानिकारक हुन सक्छ। भाइरल संक्रमणमा एन्टिबायोटिकले काम नगर्ने हुनाले चिकित्सकको सल्लाह बिना कुनै पनि कडा औषधी सेवन गर्नु हुँदैन । ज्वरो धेरै बढेमा सामान्य सिटामोल लिन सकिन्छ र टाउको तथा शरीरमा पानीपट्टी लगाएर तापक्रम घटाउने प्रयास गर्नुपर्छ।
