सिन्धुली । नेपाल डेरी एसोसियसन जिल्ला समिति सिन्धुलीको आयोजनामा विश्व स्कुल दुध दिवस मनाइएको छ ।
बुधारबार जनज्योति मावि. फोस्रेटारमा भएको कार्यक्रममा विभिन्न तहमा अध्ययनरत करिव एकहजार छात्रछात्रालाई दुधपान गरिएको हाे ।
विश्व स्कुल दुग्ध दिवस सन् २००० सेप्टेम्बर महिनाको अन्तिम बुधबारबाट मनाउन सुरु गरिएसंगै विश्वका कुनै पनि विद्यालय बन्द नरहने अवस्थालाई मध्यनजर गरेर यो समयमा यस दिवस मनाउन थालिएको नेपाल डेरी एसोसिएसन सिन्धुलीका अध्यक्ष बलराम अधिकारीले बताए ।
नेपालमा नेपाल डेरी एसोसिएसनले सन् २०१४ बाट मनाउन शुरु गरेको हो। यस वर्ष असोज ३ गतेदेखि दैनिक कार्यक्रम गरि साताव्यापी कार्यक्रम गरि मनाइएकोमा १०औं पटक यो कार्यक्रम गरिएको हो । यो कार्यक्रमले दूध उपभोग बढ्नुको साथै बालबालिकालाई पूर्ण पौष्टिक आहार उपलब्ध हुने गर्दछ ।
कार्यक्रममा सम्बोधन गर्दै कमलामाई नगर प्रमुख उपेन्द्र कुमार पोखरेलले दुधलाई अमृतको संज्ञा दिदै नियमित दूध तथा दुग्धजन्य पदार्थकोको उपभोग सेवनमा जोड दिन अनुरोध गरे । विद्यार्थीले वजारमा पाईने विभिन्न जङफुडको सट्टामा दूध तथा दुग्धजन्य पदार्थलाई प्राथमिकता दिन आग्रह गरे।
कार्यक्रममा बोल्दै एसोसियसनका सिन्धुली जिल्ला अध्यक्ष बलराम अधिकारीले देशको तथ्यांक अनुसार प्रति व्यक्ति प्रति वर्ष ९२ लिटर दुध सेवन गर्नुपर्नेमा नेपालमा हाल ८५ लिटर मात्र सेवन हुने गरेकोले अब आगामी दिनहरुमा कम्तिमा बालबालिकाहरुको लागि मात्र भए पनि ९२ लिटर अनिवार्य पुरयाउनु पर्ने देखिएकोले सरोकारवालाहरु यसमा लाग्नु पर्ने बताए ।
