साउन २८, काठमाडौं। जनआस्था साप्ताहिका सम्पादक किशोर श्रेष्ठलाई प्रहरीले पक्राउ गरेकाेप्रति ध्यानाकर्षण भएको प्रेस काउन्सिल नेपालले जनाएको छ ।
काउन्सिल द्वारा जारी विज्ञप्तिमा भनिएकाे छ, जनआस्था मिडियाका अध्यक्ष तथा जनआस्था साप्ताहिकका सम्पादक किशोर श्रेष्ठलाई २०८३ साउन २७ गते बुधबार राती पक्राउ गरी
उहाँको निजी निवास खानतलासी भएको र आज बिहानै उक्त सञ्चार माध्यमको कार्यालयमा हातहतियारसहित प्रवेश गरी कम्प्युटरलगायत सामग्री जफत गरिएको घटनाप्रति प्रेस काउन्सिल नेपालको गम्भीर ध्यानाकर्षण भएको छ ।
प्रहरीले सम्पादक श्रेष्ठलाइ साउन २७ गते वैयक्तिक स्वतन्त्रता हननको कसुरमा पक्राउ गरेको थियो । यस पक्राउको विषयमा नेपाल पत्रकार महासंघसहित प्रेससँग सम्बद्ध संघ-संगठनले विरोध जनाउँदै अविलम्ब निःशर्त रिहा गर्न माग गरेका छन् ।
