अशोज २४, काठमान्डौ । माथिल्लो मैलुङ खोला जलविद्युत लिमिटेडको १२ औं वार्षिक साधारण सभा आज सेलीब्रेसन हाईटस् का.म.न.पा. ४, सुकेधारा, काठमाडौंमा सफलतापूर्बक सप्पन्न भएको छ।
१४.३ मेगावाट क्षमताको माथिल्लो मैलुङ खोला जलविद्युत आयोजनाले आर्थिक बर्ष २०८० साल माघ २८ गतेबाट व्यापारिक उत्पादन शुरु गरेको छ ।कम्पनीको लेखापरिक्षण भएको आर्थिक वर्ष २०८२ आषाढ मसान्त सम्मको वासलात, आ. व. २०८१ /८२ को नाफा नोक्सान हिसाब तथा नगद प्रवाह लगाएतका वार्षिक प्रतिवेदन आज पेश गरिएको थियो, भने यस कम्पनीले विद्युत उत्पादनको अनुमतिपत्र प्राप्त गरेको १३ मे.वा. जडित क्षमताको क्यस्केड आयोजनाको रुपमा रहेको दोस्रो आयोजना मध्य मैलुङ खोला र १७ मे. वा. जडित क्षमताको तेस्रो माथिल्लो मैलुङ -बी जलविद्युत आयोजनाको विद्युत खरिद बिक्रि सम्झौता नेपाल विद्युत प्राधिकरणमा प्रकियाको चरणमा रहेको छ । माथिल्लो मैलुङ खोला जलविद्युत लिमिटेड कम्पनीको अधिकृत पूँजी २ अर्ब १० करोड, जारी पूँजी १ अर्ब तथा चुक्ता पूँजी १ अर्ब रहेको छ ।
आर्थिक वर्ष २०८१/८२ मा कम्पनीले गरेका प्रगतिहरु, उपलब्धिहरु, सञ्चालनमा देखिएका कमिकमजोरी एवं चुनौति तथा अवसर भविष्यका अल्पकालीन तथा दिर्घकालीन योजनाहरु र समग्र सञ्चालन कार्यको समिक्षा र पुनरावलोकन गर्दै आगामी आ.व. २०८२ /०८३ को आर्थिक तथा वित्तिय कारोवारको लेखापरीक्षण गर्नका लागि लेखापरिक्षक संस्था NBSM Associates., Chartered Accountants लाई पारिश्रमिक सहित लेखापरिक्षक नियक्त गरेको छ ।
माथिल्लो मैलुङ खोला जलविद्युत लिमिटेडको केन्द्रीय कार्यालय काठमाडौंमा रहेको छ । आगामी दिनमा लगानीमा उचित प्रतिफल सुनिश्चित गर्दै कम्पनीको व्यवसायिक क्षमता विस्तार गरी जलविद्युत विकासमा निजि क्षेत्रको एक विश्वसनिय तथा सफल कम्पनीको रुपमा स्थापित हुने उद्देश्य लिएको छ । आर्थिक वर्ष २०८१/८२ को वित्तीय विवरणहरु तथा वार्षिक प्रतिवेदन पुस्तिकामा छुट्टै संलग्न गरिएको थियो ।
