नेपाल टेलिकमले बडा दसैँ, तिहार तथा छठ पर्वको अवसरमा ग्राहकहरूका लागि आकर्षक ‘दसैँ तिहार अफर २०८३’ सार्वजनिक गरेको छ। कम्पनीका अनुसार यो अफर अन्तर्गत FTTH इन्टरनेट जोड्ने ग्राहकहरूका लागि विशेष छुटका साथै प्रिपेड र पोस्टपेड मोबाइल ग्राहकहरूका लागि सहुलियत दरमा भ्वाइस र डाटा प्याक उपलब्ध गराइनेछ।
यो अफर असोज ३० देखि कात्तिक ३० गतेसम्म लागू हुनेछ।
१. FTTH (इन्टरनेट) अफर
- जडान शुल्क मिनाहा: नयाँ FTTH प्याकेज जडान गर्ने ग्राहकहरूका लागि रु. ५०० जडान शुल्क पूर्ण रूपमा मिनाहा गरिएको छ।
- १३ महिनाको प्याकेज: १००, १५० र २०० Mbps को नयाँ वार्षिक प्याकेज लिने ग्राहकहरूलाई १ महिना थप गरी १३ महिनाको प्याकेज उपलब्ध गराइनेछ।
- थप बोनस: बोनसको रूपमा पाइने मोबाइल डाटा समेत १३ महिनासम्म नै उपलब्ध हुनेछ।
- सेट-टप बक्स छुट: भर्चुअल सेट-टप बक्ससहितको प्याकेज लिने ग्राहकहरूका लागि रु. १,००० छुट पहिलेदेखि नै कायम रहेको छ।
२. GSM मोबाइल (डाटा तथा भ्वाइस) अफर
- फेस्टिभल अनलिमिटेड डाटा (रु. ४९९): यस प्याकमा प्रतिदिन ५ GB डाटा उपलब्ध हुनेछ। उक्त ५ GB खपत भइसकेपछि बाँकी समय २ Mbps को गतिमा अनलिमिटेड डाटा प्रयोग गर्न सकिनेछ।
- फेस्टिभल अनलिमिटेड प्रिमियम डाटा (रु. ६९९): यस प्याकमा प्रतिदिन १० GB डाटा उपलब्ध हुनेछ। १० GB खपत भइसकेपछि बाँकी समय ३ Mbps को गतिमा अनलिमिटेड डाटा प्रयोग गर्न सकिनेछ।
- जोयफुल मिनेट (रु. २५०): १,००० मिनेट अल-नेट (सबै नेटवर्कमा कुरा गर्न सकिने) भ्वाइस सुविधा।
- फेस्टिभ मेसेज प्याक (रु. ९९): १,००० वटा अन-नेट SMS सुविधा।
समयसीमा: मोबाइलतर्फका यी सबै प्याकहरूको समयावधि ३० दिन तोकिएको छ।
ग्राहकहरूले आफ्नै मोबाइलबाट *1415*11# डायल गरेर वा ‘नेपाल टेलिकम एप’ प्रयोग गरी यी प्याकेजहरू सहजै खरिद गर्न सक्नुहुनेछ।
विभिन्न चाडपर्वको अवसरमा उपलब्ध गराइएका यस्ता अफरहरूले आफन्तहरूसँग खुसी साट्न, सम्पर्कमा रहन र डिजिटल सेवाको प्रयोग बढाउन सहयोग पुग्ने विश्वास नेपाल टेलिकमले लिएको छ।
