काठमाडौं । नेपाल टेलिकमले विद्यार्थीहरूका लागि विशेष ‘एनटी फाइबर विद्यार्थी अफर’ सार्वजनिक गरेको छ ।
अफर अन्तर्गत विद्यार्थीहरूले ३० एमबीपीएस स्पीडको इन्टरनेट सेवा एक वर्षसम्म पाउनेछन्, जसको मूल्य ४ हजार ९९९ रुपैयाँ मात्र छ । दैनिक २५ जीबी डाटा उपलब्ध हुनेछ र डाटा सीमा नाघेमा स्पीड ५ एमबीपीएस हुनेछ। जडान शुल्क ५०० रुपैयाँ लाग्नेछ भने प्रत्येक विद्यार्थीले ड्युअल ब्यान्ड सीपीई र १०० मिटरसम्म ड्रप फाइबर नि:शुल्क पाउनेछन् ।
यो अफर माघ २२ गतेसम्म उपलब्ध हुने टेलिकमका प्रवक्ता रविन्द्र मानन्धरले जानकारी दिए ।
अफर लिनका लागि विद्यार्थीहरूले १९८ नम्बरमा सम्पर्क गरी डिमान्ड पोर्टलमार्फत वा नजिकको नेपाल टेलिकम कार्यालयमा गएर आवेदन दिन सक्नेछन् । आवेदनमा जन्म दर्ता वा नागरिकता प्रमाणपत्र, विद्यार्थी परिचय पत्र अनिवार्य पेश गर्नुपर्छ। नाबालिगको हकमा अभिभावकको नागरिकता वा पासपोर्टको प्रतिलिपि पनि आवश्यक हुनेछ ।
समयावधि सकिएपछि यो अफर नवीकरण गर्न सकिने छैन । सेवा निरन्तरता चाहने विद्यार्थीले साविकका प्याकेजहरूबाट विकल्प छनोट गर्नुपर्ने वा उपलब्ध गराइएको सीपीई फिर्ता गर्नुपर्नेछ ।
