असार १९, सिन्धुली । कमलामाई नगरपालिकाले वडा नम्बर तीन चपौलीमा कृषकलाई अनुदान वितरण गरेको छ ।
संघिय सरकारवाट आर्थिक वर्ष ८०/८१ का लागि उपलब्ध गाई तथा भैंसी प्रवद्घन कार्यक्रम अन्तर्गत नगरपालिकाले सहकारीमा आवद्द कृहष्कहरुलाई उक्त अनुदान उपलब्ध गराइएको हो ।
संघिय सरकारवाट हस्तान्तरित गाई तथा भैंसी प्रवद्घन कार्यक्रम अन्तर्गत सहकारीमा आवद्ध कृषकहरुलाई प्रति लि. दुधमा अनुदान कमलामाई नगरपालिका र यस सिन्धुलीगढी दुग्ध उत्पादक सहकारी संस्था लि. कनपा. ३ चपौली विच सम्झौता भए बमोजिम कृषकहरुलाई अनुदान रकम वितरण गरिएको थियो ।
दुधमा अनुदान वितरण कार्यक्रममा नगर प्रमुख पोखरेलले नगरपालिकाले उत्पादनको आधारमा अनुदान कार्यक्रम दिने र कृषकहरुलाई उत्पादनमा जोड दिन आग्रह गर्नुभयो । उहाँले कनपा ३ मा विशेषगरि पशुपालन गरि दूध उत्पादन र सँगँंगै तरकारी खेती फलफुल खेतीको अनुकुल वातावरण भएकोले कृषकहरुले यस तर्फ ध्यान दिन र स्थानीय सरकारले जुनकुनै प्रकारको सहयोगको लागि तयार रहेको बताउनुभयो ।
दुधको प्रति लि. अनुदान रकम चेक मार्फत हस्तान्तरण गर्दै नगर प्रमुख पोखरेलले पुनः कृषकलाई दूध उत्पादनमा ढुक्कसँग लाग्न अनुरोध गर्नुभयो ।
तारुफेदी, कार्कीटोल, निगाले , देवकोटा चोक र स्कुल चोक दूध संकलन केन्द्रमा दूध उत्पादन गरि विक्री गरेका कृषकहरुलाई प्रति लि तीन रुपैयाँका दरले दुधमा अनुदान रकम वितरण गरिएको हो । उक्त रकम बराबरको सात लाँख बाह् हजार आठ सय अठार रुपैयाँको चेक वडा अध्यक्ष मार्फत कृषकलाई हस्तान्तरण गरिएको हाे ।
वडा अध्यक्ष खड्ग प्रसाद चौलागाईले दुग्ध उत्पादक सहकारी मार्फत प्राप्त अनुदान रकमलाई प्रोत्साहनको रुपमा लिई आगामी दिनमा अझ बढी दूध उत्पादनमा जोड दिन अनुरोध गर्दै वडाले दुग्ध क्षेत्रमा विशेष योजना वनाउने वताउनु भयो ।
संस्थाका अध्यक्ष बलराम अधिकारीले उन्नत पशुपालन तथा दुग्ध व्यवसायको माध्यमवाट ग्रामीण जनताको आयस्तर उकास्न मद्दत पु¥याउने मुख्य उदेश्य राखि स्थापना गरिएको सिन्धुलीगढी दुग्ध उत्पादक सहकारी संस्था चपौलीले उदेश्य अनुरुपका दूध उत्पादन तथा दुग्ध क्षेत्रसंग सम्बन्धित काम गर्दै आएको बताए ।
संस्थाले स्थानीय दुग्ध उत्पादक कृषकहरुलाई संगठित गरि दुध उत्पादन व्यवसायको संरक्षण सम्वर्धन तथा विस्तार गर्दै दुग्ध सहकारिताको माध्यमबाट दुग्ध उत्पादक कृषकहरुको आर्थिक अवस्थामा सुधार ल्याई ग्रामीण अर्थतन्त्रलाई टेवा पुर्याउन संस्था कार्यक्षेत्र भित्रको ऐतिहासिक सिन्धुलीगढीको संरक्षण तथा सम्वर्धनमा समेत सहयोग पुर्याउने संगै कृषि पशुपालनको क्षेत्रमा काम गर्ने उदेश्य बमोजिम यस सिन्धुलीगढी दुग्ध उत्पादक सहकारी संस्थाले विविध काम कारोवार गर्दै आईरहेको छ ।
सिन्धुलीगढी दुग्ध उत्पादक सहकारी संस्था लिका अध्यक्ष श्री बलराम अधिकारीको अध्यक्षता तथा प्रमुख अतिथी कमलामाई नगरपालिकाका नगर प्रमुख श्री उपेन्द्र कुमार पोखरेल, अतिथी कनपा तीनका वडा अध्यक्ष श्री खड्ग प्रसाद चौलागाई , वडाका जनप्रतिनिधि, कर्मचारी, सहकारी पदाधिकारी तथा सदस्यहरु संगै कृषकहरुको उपस्थिति रहेको थियो ।
कार्यक्रम संचालन वडा सचिव विरेन्द्र देवकोटाले गर्नुभएको थियो ।
