फागुन २, सिन्धुली । कमलामाइ नगरपालिका ६ स्थित नवज्योति बहिरा मा.वि.जसेदमारमा अध्ययनरत विद्यार्थीलाई दुग्धजन्य पदार्थ र अण्डा वितरण गरिएको छ ।
पशुजन्य पदार्थको उपभोग वृद्धिका लागि सरस्वती पूजाको अवसरमा जिल्ला पशु सेवा कार्यालय र नेपाल डेरी एसोसियशन सिन्धुलीको आयोजनामा विद्यार्थीहरूलाई दिवा खाजामा दुग्धजन्य पदार्थ तथा अन्डा वितरण गरिएको हाे ।
पशु सेवा कार्यालय सिन्धुलीका प्रमुख प्रभात न्यौपानेले दुग्धजन्य पदार्थको जानकारीसंगै उपभोगमा वृद्धि गर्न कार्यक्रम आयोजना गरिएको बताए । उनले खाद्य स्वच्छतालाई ध्यान दिदै दैनिक उपभोगमा दुग्धजन्य पदार्थ, माछामासु र अण्डा सेवन गर्नुको फाईदा वारे जानकारी दिनु कार्यक्रमको उदेश्य रहेको बताए ।
नेपाल डेरी एशोसियसन सिन्धुलीका अध्यक्ष बलराम अधिकारीले दुग्ध जन्य पदार्थको उत्पादन र उपभोगलाई विद्यार्थी माझ जानकारी दिदै अन्य खानेकुरा भन्दा पौष्टिकताको हिसाबले उत्कृष्ट पौष्टिक तत्व दुधलाई दैनिक सेवन गर्न विद्यार्थीलाई आग्रह गरे ।
कनपा ६ का वडा अध्यक्ष उज्ज्वल कुमार थापाले कार्यक्रम एकदमै फलदायी भएको भन्दै आगामी दिनमा समेत यस्ता कार्यक्रमको अपेक्षा गर्दै आयोजकप्रति आभार व्यक्त गरे ।
कार्यक्रममा फरक क्षमताका करिव २०० विद्यार्थी, शिक्षाक र अभिभावहरूकाे सहभागिता रहेकाे थियाे ।
