- विनाेद दाहाल
जनयुद्ध राष्ट्रिय दिवसको रुपमा मनाउन शुरुभैसक्यो । अहिलेको राजनीतिक व्यवस्था वैधानिक ढङ्गले नै जनगणतन्त्रसम्म पुग्न सक्दैन । जनयुद्धमार्फत लक्ष्यमा पुग्न असफल भए पनि लोकतान्त्रिक गणतन्त्रको जग बसाल्न सक्षम भएको छ । जनयुद्धमा सहादत हुने सम्पूर्ण सहिदहरुको उच्च सम्मान हुनु जरुरि भएको छ । जनयुद्धमा योगदान गर्नेहरुले गर्वकासाथ आफ्नो योगदानमा खुसी हुनुपर्छ र जनगणतन्त्र प्राप्तिको अर्को आन्दोलनमा सकेको योगदान गर्नुपर्छ । त्यसैले सरकार, जनयुद्धका सम्पूर्ण सहिदहरुलाई राष्ट्रिय सहिद घोषणा गर, सहिदहरुलाई राष्ट्रले सम्मान गरेको हेर्न पाऊँ ! जीउँदा सहिदहरुलाई कदर गर ! समाज रुपान्तरणको लागि वलिदानीपूर्ण संघर्ष गर्नेहरुले समाजमा गौरवशाली जीवन बिताएको हेर्न पाऊँ ।
आज सहिद सप्ताहको पहिलो दिन । जनयुद्धका पहिला सहिद दीलवहादुर रम्तेललगायत सबै सहिदहरुप्रति हार्दिक श्रद्धाञ्जली ! सुखानीमा भएको वलिदानको श्रृङ्खलाको रुपमा यो दिवसको महत्व जोड्नसक्नु आफैमा महत्वपूर्ण छ ।
नेपानमा जनयुद्ध २०५२ साल फागुन १ गतेबाट शुरु भयो । प्रतिक्रियावादी राज्यका अभिन्न अङ्गहरुमा आक्रमण गर्दै शुरु भएको जनयुद्धले जनगणतन्त्र स्थापनाको लक्ष्य राखेको उद्घोष गरिएको थियो । जनयुद्धका क्रममा जनतामाथि कतै हिंसा गरिएन । तथ्यमा टेकेर बोल्नेहरुलाई जनयुद्धको महिमा बेग्लै लाग्नसक्छ । जनयुद्धकै जगमा उठेको यो राजनीतिक क्रान्तिले लक्ष्य चुम्न नसके पनि लोकतान्त्रिक गणतन्त्र स्थापना गर्यो । रणनैतिक लक्ष्य प्राप्त नगर्दै यसका नेतृत्वमा अवशरवाद पलाएर कार्यनीतिको सेरोफेरोमा रमिरहेको छ । यो बिडम्वना हेरिबस्नु पनि क्रान्तिकारि गुण हैन । क्रान्तिकारिले त निरन्तर क्रान्तिको सिद्धान्तलाई आत्मसात गर्नुपर्छ र रुढि, पुराना बिचार, संस्कार, आदत र अवस्थालाई बदलेर नयाँमा रुपान्तरण गर्नतिर सचेतपहल गर्नुपर्छ ।
आज वलिदानको सम्मान गर्ने पहिलो दिन हो । जनयुद्ध र भापा बिद्रोहमा वलिदान गर्ने सहिदहरुको बिम्वात्मक दिनहरु जोडेर उच्च सम्मानसहित सहिद सप्ताह मनाउने नयाँ संस्कृति बनेको छ । जनक्रान्तिलाई हिंसा र आतङ्क बुझ्ने जनविरोधि सामन्ती, देशद्रोही र जनबिरोधि तत्वहरुमाथि यो संस्कृति अपनाउनु निर्मम प्रहार हो भन्ने उनीहरु नै बुझ्ने गर्छन् ।
फेरि पनि अनुरोध छ, सरकार, यही सहिद सप्ताहमा जनयुद्धमा जीवन वलिदान गर्ने सबैलाई राष्ट्रिय सहिद घोषणा गर !
