काठमाडौं। नेपालीहरूको महान् चाड दशैँ, तिहार तथा छठ पर्वको अवसरमा देशकै ठूलो सुपरमार्केट भाटभटेनी र टाटा मोटर्सको नेपालका लागि आधिकारिक वितरक सिप्रदी ट्रेडिङ प्रा.लि.ले ग्राहकका लागि विशेष दसैँ-तिहार योजना सार्वजनिक गरेका छन्।
यस योजनाअन्तर्गत भाटभटेनीमा चाडपर्वको किनमेल गर्दा ग्राहकहरूले नयाँ पुस्ताको इलेक्ट्रिक एसयूभी ‘टाटा पन्च ईभी’ जित्ने अवसर पाउनेछन्।
यसरी सहभागी हुन सकिनेछ लक्की ड्रमा:
- २,५०० भन्दा बढीको खरिदमा: भाटभटेनीको देशभर रहेका कुनै पनि स्टोरबाट एकपटकमा रु. २,५०० वा सोभन्दा बढीको सामान खरिद गर्दा प्राप्त बिलका आधारमा ग्राहकको नाम योजनामा दर्ता हुनेछ। योजनाको अन्त्यमा लक्की ड्रमार्फत एक जना भाग्यशाली विजेताले नयाँ टाटा पन्च ईभी पाउनेछन्।
- नेपाल पे (NepalPay) QR भुक्तानीमा अर्को ईभी: भाटभटेनीमा किनमेल गरी नेपाल पे क्यूआर (NepalPay QR) मार्फत भुक्तानी गर्ने ग्राहकहरूमध्येबाट अर्का एक जना भाग्यशाली ग्राहकले थप एक थान नयाँ टाटा पन्च ईभी जित्न सक्नेछन्।
यसरी यो चाडपर्वको सिजनमा भाटभटेनीमा सपिङ गर्दा ग्राहकहरूले कुल २ वटा नयाँ टाटा पन्च ईभी जित्ने मौका पाउनेछन्।
टाटा पन्च ईभीका मुख्य विशेषताहरू: अत्याधुनिक ‘act.ev’ (एक्टि.इभि) प्लेटफर्ममा बनेको पन्च ईभीमा ३२ kWh र ४० kWh क्षमताका ब्याट्री विकल्प उपलब्ध छन्, जसले नेपालको सडक स्थितिअनुसार एकपटकको फुल चार्जमा ३०० देखि ३२५ किलोमिटरसम्मको रेन्ज दिन्छन्।
यसमा १९५ mm को उच्च ग्राउन्ड क्लियरेन्स, BNCAP ५-स्टार सुरक्षा रेटिङ, ६ वटा एयरब्याग, ३६० डिग्री क्यामेरा, १.५C DC फास्ट चार्जिङ, भ्वाइस एक्टिभेटेड सनरुफ, २६.०३ सेमीको हर्मन इन्फोटेनमेन्ट तथा डिजिटल ककपिट, भेन्टिलेटेड सिट र ३६६ लिटरको बुट स्पेस रहेको छ।
साथै, टाटा मोटर्सका देशभर रहेका २० वटा शोरुमका साथै अब भाटभटेनीका २८ वटै स्टोरहरूबाट पनि टाटा कारसम्बन्धी आवश्यक जानकारी लिन सकिनेछ। चाडपर्वको समयमा भाटभटेनीमा सपिङ गर्ने टाटाका ग्राहकहरूका लागि अन्य विभिन्न सरप्राइज उपहारहरूको समेत व्यवस्था गरिएको कम्पनीले जनाएको छ।
