काठमाडौँ, १९ असार २०८३ ओप्पोले आफ्नो नयाँ प्रिमियम स्मार्टफोन ओप्पो ‘A6s Pro’ (Oppo A6s Pro) नेपाली बजारमा आधिकारिक रूपमा सार्वजनिक गरेको छ। फ्ल्यागसिप डिजाइन, उत्कृष्ट सेल्फी क्षमता, तीव्र गतिको चार्जिङ र बलियो टिकाउपनलाई एउटै डिभाइसमा समेटेर कम्पनीले यो फोन बजारमा ल्याएको हो। नेपाली बजारमा ८ जीबी र्याम र २५६ जीबी स्टोरेज भेरियन्टमा उपलब्ध यस फोनको आधिकारिक मूल्य रु. ५६,९९९ तोकिएको छ।
- उत्कृष्ट डिस्प्ले र ब्राइटनेस: फोनमा ६.६७ इन्चको AMOLED डिस्प्ले रहेको छ, जसले १२० हर्ज (120Hz) को हाई रिफ्रेस रेट सपोर्ट गर्दछ। यसमा १,४०० निट्सको पिक ब्राइटनेस भएकाले कडा घाममा पनि स्क्रिन स्पष्ट र उज्यालो देखिन्छ।
- पावरफुल ब्याट्री र अल्ट्रा-फास्ट चार्जिङ: यस डिभाइसमा ७,००० mAh को विशाल ब्याट्री राखिएको छ। साथै, ८० वाटको SUPERVOOC फ्ल्याश चार्ज प्रविधिको मद्दतले यो फोन मात्र ६१ मिनेटमा १०० प्रतिशत चार्ज हुन्छ।
- क्यामेरा सेटअप: सेल्फीका लागि यसमा ५० MP को १००-डिग्री अल्ट्रा-वाइड क्यामेरा (FOV) दिइएको छ, जसले फराकिलो र प्राकृतिक रङसहितको ग्रुप फोटो खिच्न मद्दत गर्छ। फोनको पछाडि ५० MP + २ MP को रियर क्यामेरा सिस्टम रहेको छ।
- दमदार पर्फर्मेन्स र सुरक्षा: ओप्पो ‘A6s Pro’ मा चुस्त कार्यक्षमता र गेमिङका लागि ‘मिडियाटेक हेलियो G100 Max’ प्रोसेसर प्रयोग गरिएको छ। दैनिक जीवनमा आइपर्ने जोखिमबाट जोगाउन यसमा IP69 रेटिङको पानी तथा धुलो प्रतिरोधात्मक क्षमता (Water and Dust Resistance) रहेको छ।
प्रकृतिबाट प्रेरित भई तयार पारिएको यो फोन ‘लुमिना फरेस्ट’ (Lumina Forest) र ‘इक्लिप्स ब्लु’ (Eclipse Blue) गरी दुई आकर्षक रङमा उपलब्ध छ। यसको प्रिमियम ३D डाइनामिक ग्लो डिजाइन ओप्पोकै चर्चित ‘रेनो’ (Reno) सिरिजबाट प्रेरित छ।
नयाँ फोन सार्वजनिक भएको अवसरमा ओप्पोले ग्राहकहरूका लागि विशेष २ महिनाको रिplacement पोलिसी (सट्टापट्टा सुविधा) समेत ल्याएको छ। यो अफर जुलाई ३, २०२६ देखि अगस्ट २, २०२६ सम्म डिभाइस खरिद गर्ने ग्राहकहरूका लागि मात्र लागु हुनेछ। योग्य ग्राहकहरूले सर्तअनुसार सेप्टेम्बर २, २०२६ सम्म रिप्लेसमेन्ट दाबी गर्न सक्नेछन्।
यो फोन हाल नेपालभरिका आधिकारिक रिटेल स्टोरहरूमा उपलब्ध छ भने ग्राहकहरूको सहजताका लागि फाइनान्सिङ (EMI) को विकल्प पनि दिइएको छ।
