काठमाडौँ / ‘बैंक पनि साथी पनि, राम्रो पनि हाम्रो पनि’ भन्ने नाराका साथ अघि बढिरहेको एनआईसी एशिया बैंकले सुन तथा सुनका गरगहना धितो राखेर प्रवाह गरिने आकर्षक ‘गोल्ड लोन’ कर्जा योजना सार्वजनिक गरेको छ ।
समयअनुसार ग्राहकको आवश्यकता र मागलाई सम्बोधन गर्दै बैंकले औसत आधार दरमा १ देखि ३ प्रतिशतसम्मको प्रिमियम सुविधा सहितको प्रतिस्पर्धी ब्याजदरमा यो कर्जा योजना ल्याएको हो ।
यस योजनाअन्तर्गत ग्राहकहरूले अधिकतम ५० लाख रुपैयाँसम्म कर्जा प्राप्त गर्न सक्नेछन् । सुनको बार तथा सुनका गरगहनालाई धितो राखी बजार मूल्यको ७० देखि ८० प्रतिशतसम्म कर्जा उपलब्ध गराइने बैंकले जनाएको छ । साथै, गरगहना खरिद गर्नका लागि समेत कर्जा लिन सकिने सुविधा यस योजनामा समावेश गरिएको छ ।
ग्राहकहरूले तोकिएका विभिन्न शाखाहरूबाट यो कर्जा सुविधा लिन सक्नेछन् । कर्जा सेवा अझ सहज र प्रभावकारी बनाउन बैंकले एकद्वार प्रणालीअनुसार ‘कर्जा सहायता केन्द्र’ समेत स्थापना गरेको छ ।
उक्त केन्द्रमार्फत कर्जा सम्बन्धी सल्लाह, सुझाव, गुनासो तथा जिज्ञासाको समयमै समाधान गरिने बैंकको भनाइ छ ।
