कात्तिक २९, भक्तपुर । बालकोटस्थित डल्लीको चियापसल तथा डेरी सञ्चालक विपना खत्रीले १४औ पटक रक्तदान आयोगजना गरेकी छिन ।
नेपाल रेडक्रस सोसाइटी भक्तपुर जिल्ला शाखाको प्राविधिक सहयोगमा भएको कार्यक्रममा ३९ पोइन्ट रगत संकलन भएको छ।
मानवीय सेवाबाट अभिप्रेरित भई रगत तथा रक्ततत्वको बढ्दो मागलाई परिपूर्ति गर्न रक्तदान कार्यक्रम आयोजना गरिएको खत्रीको भनाइ छ। रगतको अभावमा आफ्नो साथीलाइ बचाउन नसकिएका कारण यसको महत्व बुझेर यस पुण्य कार्यमा सक्रिय भएको बताइन।
सुरुवातका दिनमा आफु एक्लै भएपनि हालका दिनमा साथदिने दाजुभाइ दिदीबहिनीहरु जोडिदै जानुभएको उनले बताइन ।
प्रत्येक तीनतीन महिनामा रक्तदान कार्यक्रम गर्दै आएकी खत्रीले यो चौधौँपटक रहेको बताइन। कार्यक्रममा हरेक रक्तदातालाई प्रमाणपत्र र मायाको चिनो स्वरुप कप समेत प्रदन गरिएको थियो ।
