- सिन्धुलीबाट बलराम अधिकारीको सहयोगमा
फागुन ३०, सिन्धुली । कमलामाई नगरपालिका १३ मा सवारी दुर्घटना हुँदा एक जनाको मृत्यु छ ।
माथिल्लो रानिबासस्थित मदनभण्डारी राजमार्गमा ट्रक र मोटरसाईकल एक आपसमा ठोकिदा मोटरसाइकल चालक एक जनाको मृत्यु भएको हो ।
बुधबार बिहान साढे ९ बजेतिर कटारीबाट भिमान तर्फ आउँदै गरेको म प्र ०४००१ क ००५१ नम्बरको ट्रक र बा ९२ प ६५६२ नम्बरको मोटरसाईकल आपसमा ठक्कर खाई दुर्घटना भएको सिन्धुली प्रहरीले जनाएको छ ।
दुर्घटनामा परि मोटरसाईकल चालक सर्लाहिको हरिवन नगरपालिका ७ का ३० बर्षीय रिद्धि बहादुर मिरिङसिङ गम्भिर घाईते भएका थिए । घाईते मिरिङसिङलाई उपचारका लागी जिल्ला अस्पताल सिम्धुली ल्याउँदै गर्दा बाटोमै मृत्यु भएको प्रहरीले जनाएको छ ।
प्रहरीले ट्रक चालक महोत्तरीको गौशला नगरपालिका १ बस्ने ४१ बर्षीय जितबहादुर आलेलाई नियन्त्रणमा लिएर घटनाको अनुसन्धान गरिरहेको छ ।
