- भोजराज घिमिरे
बेलायतमा ट्युडर बंशको शासन कालदेखि चल्दै आएको दैवी अधिकारको सिद्धान्त अनुरुपको निरंकुश शासनपद्धतिलाई सन् १६८८ को गौरवमय क्रान्तिले अन्त्य गरिदियो । यसले एउटा शिक्षा दिएको छ । कुनै पनि शासक जनताको इच्छा र आंकक्षा बिरुद्ध गएमा चाल्र्स प्रथमकै पथमा शिरच्छेदन हुनुपर्ने अवस्थाको युरोपेली मुलुकहरूमा बिकास भयो ।
त्यस्तै जेम्स दुइले संसदको बिरुद्ध गएर आफ्ना पिता चाल्र्स प्रथमको हत्याको बदला लिन दयियमथ अयचत गठन गरेर बदलाको भावना राख्दा अब आफुलाइपनि मार्नसक्छन भन्ठानेर क्याथोलिक राजाको देश फ्रान्स निर्वासित भए । तर बेलायतको राजनीति घटनाबाट शिक्षा लिन नचाहाँदा फ्रान्सका सम्राट लुइस सोर्हाेले २१ जनवरी सन् १७९३ मा मृत्युुवरण गर्नुपरेको थियोे ।
तर, हाम्रो देश नेपालमा त्यस्तो केही भएन । २४० बर्ष देखि कहिले निरंकुश कहिले संबैधानिक भएर शासन चलाएको राजतन्त्रको उत्तराधिकारी ज्ञानेन्द्र शाहले शान्तिपूर्ण तरिकाले नै राजगद्दी त्याग गरेर एउटा सर्वसाधारण नागरिक भएका छन । जनताका प्रतिनिधि भन्ने जनताको छोराछोरी पनि हौ भन्ने नेताहरूलाई यो ज्ञान होस, अब राजा छैनन् , राजा बन्ने पालो हाम्रो हो, भन्ने भ्रमबाट उनिहरु मुक्त हुन आवश्यक छ ।
हामीले खोजेको लोकतान्त्रिक गणतन्त्र जनतालाई मालिक बनाएर जनताको जीवनस्तर माथि उठाउने, नेपाली सभ्यता र संस्कृतिको रक्षा र विकास गर्ने हो । नेताहरूले तस्करसँग मिलेर सुन तस्कर गरुन्, गिरीबन्धु टि स्टेसको जमिन सट्टा पट्टा गरेर अरबौं रुपैयाँ घोटला गरुन्, नेपाली नागरिकलाई शरणार्थी बनाएर अकुत पैसा कमाउ, घरनिया व्यापारीहरुले उपभोग गरेको बिजुलीको पैसा सरकारले मिनाहा गरिदिनुपर्छ भन्नका खातिर कार्यकर्ताहरुले राजाको बरबर निरंकुश तानाशाही सामन्ती राजसंस्थाको बिरुद्धमा लडाइँ लड्दा,लड्दै त्यसै सहिद भएका होइनन् ।
अब नेताहरूले बुझ्नुपर्छ, संविधानमा उल्लेख गरेको समाजवादउन्मुख राज्यब्यवस्थाका लागि समाजवादी क्रान्ति र यसका लागि पुर्वाधार खडा नभइसकेको र पुँजीवादी आर्थिक सामाजिक संरचना पुर्णरुपमा विकसित नभइसकेको वर्तमान अवस्थाबाट देशलाई अगाडि बढाउन त्यतिकै टड्कारो आवश्यकता हाम्रा सामु छ ।
समाजवादउन्मुख बाटोमा अग्रसर देशको राज्यसत्ताका सम्पुर्ण अंगहरुमा रहेका र पुराना भइसकेका राज्य संयन्त्रका अङगहरुलाई नयाँद्धारा प्रतिस्थापित गर्नु, नयाँ सैद्धान्तिक आधारहरुको निर्माण गर्नु र त्यस अनुरुपको कार्यसञ्चालन परिपाटीको निर्माण गर्नु, राज्यका कार्यकारी निकायहरूको कार्यपद्धतिमा आमूल परिवर्तन गर्नु आदिजस्ता कुराहरू आधारभूत रुपान्तरणको प्रक्रियासँग अभिन्न रुपले जोडिएका छन ।
अहिले वर्तमान समाजवादी क्रान्तिको प्रमुख वर्गीय शत्रु भनेको दलाल पुँजीवाद र दलाली पुँजीपति वर्ग हुन । यो समाजवादी क्रान्तिको लागि वर्ग दुश्मन हो । त्यसको विरुद्ध सङघर्ष कार्यनीति मात्र होइन,रणनीति पनि उतिकै जरुरी हुन्छ । यो दलाल पुँजीवादको राजनीतिक प्रतिनिधिहरु नै नेपाल र नेपाली जनताका लागि प्रतिक्रियावादी दक्षिणपन्थी शक्तिहरु हुन ।
