- रुद्रबहादुर खड्का,
सिन्धुली । कमलामाई नगरपालिका वडा नम्बर ८ करकरेका कृषकहरुलाई यतिबेला भुइँकटहर बेच्ने चटारो छ ।
कृषकहरुले मिहिनेत गरेर उत्पादन गरेको भुइँकटहर बेच्न कृषकहरु बिहानदेखि सडकको छेउँछाउँमा पुग्ने गरेको छन् ।
आफ्नो बारीमा पाकेका भुइँकटहरु बेच्न माइस्थान करकरे लगायत विपि.राजमार्गमा छाप्रो हालेर बस्ने गरेका छन् ।
करकरेस्थित वीपी राजमार्ग सडक किनारमा भेटिएका कृषक चन्द्र बहादुर खड्काले दिनमा सयवटा सम्म भुइकटहरु विक्रिहुने बताए । आफ्नै बगैचामा उत्पादन गरेका ताजा कटहर राजमार्गमा चल्ने सवारी साधनका यात्रुहरुले निकै रुचाउँने उनको भनाई छ ।
कमलामाई नगरपालिकाले वडा नम्बर ८ का वडा अध्यक्ष कोमल बहादुर श्रेष्ठले भुईकटहर उत्पादन गर्ने कृषकलाई प्रोत्साह गरिने बताँए । उनले यस क्षेत्रका गरिब, विपन्न बर्गका कृषकलाई यसले थप टेवा पुगेको समेत उनले बताए ।
कृषि शाखाले बर्सेनि समूहगत रुपमा कृषकलाई भुइँकटहरको बिरुवा वितरण गर्ने गरेको वडा अध्यक्ष श्रेष्ठले जानकारी दिए ।
नगरप्रमुख उपेन्द्र कुमार पोखरेलले एक वडा एक उत्पादन कार्यक्रम अन्तर्गत नगरका १४ वटै वडालाई बिभिन्न पकेट क्षेत्रको रुपमा घोषणा गरिएको बताए ।
कमलामाई नगरपालिकाले वडा नम्बर ८ करकरेलाई भुइँकटहर पकेट क्षेत्रको रुपमा घोषणा गरेको छ । यसले कृषहरुलाई भुइँकटहरको व्यवसायीक लगानी गर्न समेत आकर्षण गरेको वडा अध्यक्षले बताए ।
