काठमाडाैं । कांग्रेस नेता तथा पूर्वगृहमन्त्री बालकृष्ण खाण पक्राउ परेपछि कांग्रेसका युवा नेताले उपप्रधानमन्त्री एवं गृहमन्त्री नारायणकाजी श्रेष्ठसँग भेट गरेका छन् ।
भुटानी शरणार्थीको आवरणमा भएको एक अर्बको ठगी प्रकरणमा सरकारका पछिल्ला कदमको प्रशंसा गर्दै उनीहरूले ऐक्यबद्धता जनाएका छन् ।
कांग्रेस नेताहरू गुरुराज घिमिरे, गोविन्द पोखरेल, मधु आचार्य, भूपेन्द्रजंग शाही, रन्जित कर्णलगायतका नेताले उपप्रधानमन्त्री एवं गृहमन्त्री श्रेष्ठसँग भेट गरेका हुन् ।
भेटमा उनीहरूले भ्रष्टाचार र कमिसनखोरीका विरुद्ध सरकारले लिने निर्णयमा आफूहरूको समर्थन रहेको बताएका थिए । जवाफमा उपप्रधानमन्त्री श्रेष्ठले भ्रष्टाचार र कमिसनखोरको ‘नेक्सस्’ नतोडेसम्म राष्ट्र नबन्ने भन्दै सरकार दृढतापूर्वकअगाडि बढ्ने विश्वास दिलाएको एक नेताले जानकारी दिए ।
