काठमाडौं — एन आई सी एशिया बैंक लिमिटेडले रसुवाको भोटेकोशी नदीमा आएको भीषण बाढी प्रभावितहरूको उद्धार तथा राहतका लागि ‘प्रधानमन्त्री दैवी प्रकोप राहत उद्धार कोष’मा रु. २ करोड २१ लाख नगद सहयोग प्रदान गरेको छ।
बैंकको संस्थागत सामाजिक उत्तरदायित्व (CSR) अन्तर्गत रु. २ करोड र सञ्चालक तथा कर्मचारीहरूबाट संकलित रु. २१ लाख गरी उक्त रकम कोषमा जम्मा गरिएको हो।
२०८३ भदौ ११ गते बैंकका अध्यक्ष श्री अशोक कुमार अग्रवाल र प्रमुख कार्यकारी अधिकृत श्री सुजित कुमार शाक्यले संयुक्त रूपमा माननीय अर्थमन्त्री डा. स्वर्णिम वाग्लेलाई उक्त रकम बराबरको चेक हस्तान्तरण गर्नुभयो।
२०८३ भदौ १० गते बिहान भोटेकोशी नदीमा आएको आकस्मिक बाढीका कारण रसुवा, नुवाकोट, र धादिङ लगायतका क्षेत्रमा ठूलो मात्रामा भौतिक तथा मानवीय क्षति भएको छ। सोही विपत्तिको सामना गर्न र पीडितहरूलाई तत्काल राहत पुर्याउन बैंकले यो सहयोग उपलब्ध गराएको जनाएको छ।
बैंक परिवारले बाढीका कारण भएको क्षतिप्रति गहिरो दुःख व्यक्त गर्दै मृतकहरूप्रति श्रद्धाञ्जली र शोक सन्तप्त परिवारजनमा समवेदना प्रकट गरेको छ। साथै, बेपत्ता नागरिकहरूको शीघ्र सकुशल उद्धार र घाइतेहरूको शीघ्र स्वास्थ्यलाभको कामनासमेत गरेको छ।
