नवलपुर / एनआईसी एशिया बैंकका ग्राहकहरू अब नवलपुरस्थित अमरापुरी रिसोर्ट एण्ड वाटर पार्क मा विशेष छुटको सुविधा पाउने भएका छन्।
बैंक र होटलबीच भएको सम्झौताको माध्यमबाट यस बैंकका ग्राहकहरूले होटलमा सेवा लिँदा डिजिटल भुक्तानी मार्फत १५ प्रतिशतसम्म छुट प्राप्त गर्न सक्नेछन् ।
बैंकका अनुसार, ग्राहकहरूले होटलमा आवास सेवामा १५ प्रतिशत र खानामा १० प्रतिशत छुट सुविधा पाउनेछन्।
उक्त सुविधा प्रयोग गर्नका लागि ग्राहकहरूले एनआईसी एशिया बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी भुक्तानी गर्नु पर्नेछ वा मोबैंक एपमार्फत भुक्तानी गर्न सक्नेछन्।
उक्त सहकार्यले ग्राहकहरूलाई छुट सुविधा उपलब्ध गराउनुका साथै मुलुकमा डिजिटल भुक्तानी प्रवर्द्धन गर्न र नगदरहित कारोबारमा सहयोग पुग्ने विश्वास लिएको छ।
