काठमाडौं । नेपाल पत्रकार महासंघ दोलखा शाखाका सदस्य शेरबहादुर भुजेलको ३८ वर्षको अल्पायुमै निधनको भएको छ । केही महिना अघि मस्तिस्कको शल्यक्रिया गरिएको भुजेलको मंगलबार राति दोलखाको पवटीस्थित निवासमा निधन भएको हो ।
विगत दुई दशकदेखि दोलखामा रहेर सक्रिय पत्रकारिता गरिरहेका भुजेलले कालिन्चोक एफएममा समाचार प्रमुखका रूपमा काम गर्नुभएको थियो । कालिन्चोक सन्देश साप्ताहिकमा समेत काम गरेका भुजेल पछिल्लो समय इदैनिक खबर अनलाइनमा सम्पादकका रूपमा कार्यरत हुनुहुन्थ्यो । भुजेल नेपाल पत्रकार महासंघ दोलखा शाखाका पूर्वकोषाध्यक्ष हुनुहुन्थ्यो ।
स्वर्गीय भुजेलका श्रीमती, एक छोरा र एक छोरी छन् ।
भुजेलको निधनले नेपाली पत्रकारिता क्षेत्रले एक जुझारु र उर्जाशील युवा पत्रकार गुमाएको छ महासंघद्वारा जारी विज्ञप्तिमा भनिएको छ ।
