काठमाडाैं । तीन लाखभन्दा बढी मतदाता रहेको काठमाडौं महानगरको सार्वजनिक सुनुवाइमा ५० जनाले सहभागिता जनाएका छन् ।
गत आइतबार राष्ट्रिय सभागृहमा सम्पन्न महानगरको सार्वजनिक सुनुवाइमा प्रश्न गर्नेहरू जम्मा ६ जना थिए ।
महानगरका मेयर बालेन शाह अनुपस्थित रहेको सो कार्यक्रममा प्रश्नकर्ताको जवाफ प्रमुख प्रशासकीय अधिकृतले दिएका थिए । महानगरले १९ फागुनमा तोकेको सुनुवाइ आइतबारका लागि सारेको थियो । सार्वजनिक सुनुवाइको अध्यक्षता उपमेयर सुनिता डंगोलले गरे पनि सबै प्रश्नको जवाफ भने प्रमुख प्रशासकीय अधिकृत वसन्त अधिकारीले दिए ।
महानगर उपप्रमुख सुनिता डंगोलले आमनागरिकले महानगरको काम, कर्तव्य र प्रगतिलाई कसरी लिएका छन्, त्यसबारे जानौँ र नागरिकको जिज्ञासा सम्बोधनका लागि यो कार्यक्रम आयोजना गरेको बताइन् ।
