काठमाडौं । हिन्दु नारीहरुको महान पर्व तीज शुरुभएको छ । आज तीजको दर खाने दिन हो ।
बिबाहित नारीहरुले आफ्नो माइत तथा घरमा दर खाने र भोली दिनभरी निराहार ब्रत बस्ने चलन रहेको छ ।
तीजको अवसरमा हिन्दुहरुले बिबाह भएर टाढा पुगेका छोरी चेलीलाई माइतमा बोलाएर दर ख्वाउने चलन रहेको छ । छोरी चेली माइतमा आएर दु्ख सुख साट्ने दर खाने तिजको ब्रत बस्ने नाचगान गरी रमाइलो गर्ने प्रचलन रही आएको छ ।
विगतमा दरका रुपमा खिर खाने चलन रहेकोमा हाल पुलाउ, मासुभात, रोटी लगायत मिठा परिकार दरका रुपमा खानेगरिएको छ ।
विभिन्न संघ संस्था तथा महिला समुहहरुमा तीज आउनुभन्दा महिना दिन अघिदेखि दर खाने कार्यक्रमहरु हुन थालेको भएपनि हरितालिका तीको ब्रत बस्नुभन्दा अघिल्लो रात खाने खिर वास्तविक दर हो ।
