काठमाडौं । राष्ट्रिय स्वतन्त्र पाटिले प्रधानमन्त्री पुष्पकमल दाहाल प्रचण्डलाई आफ्नो दलबाट गृहमन्त्री बनाउन दुइदिनको समय दिएको छ ।
विहिबार बसेको पाटिको कन्द्रीय समिति बैठकले गृहमन्त्री आफ्नो पाटिलाई दिन प्रधानमन्त्री प्रचण्डलाई दुई दिन पर्खिने निर्णय गरेको हो ।
नागरिकता विवादका कारण सांसद र मन्त्री पद गुमाएका रास्पाका अध्यक्ष रवि लामिछानेले नागरिकता पुन प्राप्त गरेसंगै गृहमन्त्री हात पार्न सत्ता गठबन्धन दल नेकपा एमालेका अध्यक्ष केपी ओली र प्रधानमन्त्री प्रचण्डलाई निरन्तर भेटिरहेका थिए । एमाले अध्यक्ष केपी ओलीले गृहमन्त्रीमा रवि लामिछानेलाइ पुन नियुक्त गर्नुपर्ने बताउदै आएका छन् ।
विहिबार समाजिक सञ्जालमामार्फत अब मलाई भन्न बाँकी,गर्न बाँकी, लेख्न बाँकी केही भए भनीहाल्नुहोला, गरीहाल्नु होला, लेखिहाल्नु होला। मेरो मौनता आज सम्मका लागि मात्रै हो । म अभिमन्यु होइन। भन्दै सरकारबाट बाहिरिने संकेत गरेका थिए ।
नागरिकता विवादका कारण सांसद र मन्त्री पद गुमाएका रवि लामिछानेको विषयमा फैसलाको पूर्णपाठ नआउदासम्म गृहमन्त्री प्रधानमन्त्रीले नै राख्ने बुझिएको छ ।
रवि लामिछानेको राहदानी सम्बन्धी पनि समस्या रहेको र त्यस विषयमा पनि उजुरी पर्नसक्ने भन्दै सबै विषय नटुङ्गिदासम्म रविलाइ गृहमन्त्री नियुक्त गर्न नहुने केही नेताहरुले प्रधानमन्त्रीलाई सुझाव दिदै आएको बताइन्छ ।
