काठमाडौँ, आश्विन २४, नेपाल रिकन्डिसन अटो व्यवसायी संघ (NERABS) को आयोजनामा बिजया दशमी, शुभ दीपावली २०८३, नेपाल संवत् ११४७ तथा छठ पर्वको पावन अवसरमा शुभकामना आदानप्रदान तथा चियापान कार्यक्रम सम्पन्न भएको छ।
काठमाडौँमा आयोजित उक्त कार्यक्रममा संघका केन्द्रीय पदाधिकारी, व्यवसायी मित्रहरू तथा सदस्य महानुभावहरूको उल्लेख्य उपस्थिति रहेको थियो।
कार्यक्रममा बोल्दै प्रमुख अतिथि तथा संघका प्रतिनिधिहरूले अटो रिकन्डिसन क्षेत्रका समसामयिक चुनौती, व्यावसायिक हकहित र भावी कार्यदिशाका बारेमा विचार व्यक्त गर्नुभएको थियो। साथै, “एकतामा शक्ति, सदस्यहरूको समृद्धि” भन्ने मूल नाराका साथ व्यवसायीहरूबीच आपसी सद्भाव, सहकार्य र एकता सुदृढ बनाउने प्रतिबद्धता जनाइएको थियो।
कार्यक्रमका क्रममा उपस्थित सम्पूर्ण व्यवसायी तथा अतिथिहरूले एक-आपसमा आगामी चाडपर्वको शुभकामना व्यक्त गर्दै चियापानका साथ कार्यक्रम समापन गरेका थिए।
