काठमाडौँ। सांग्रिला डेभलपमेन्ट बैंक लिमिटेडको २२ औं वार्षिक साधारण सभा असोज २२ गते विहीबार काठमाडौँको गैरीधारास्थित एलिस रिसेप्सनमा भव्य रूपमा सम्पन्न भएको छ। सभाले शेयरधनीहरूका लागि कुल १०.५२६३ प्रतिशत लाभांश वितरण गर्ने सञ्चालक समितिको प्रस्ताव सर्वसम्मत रूपमा पारित गरेको छ।
बैंकका वरिष्ठ नायब महाप्रबन्धक अपूर्व प्रसाद जोशीका अनुसार पारित लाभांशमध्ये हाल कायम चुक्ता पूँजी रु. ३,७३,४०,६८,५०५.५३ को ६.५२६३ प्रतिशत (रु. २४,३६,९७,१०२.४७) नगद लाभांश (करसहित) र ४ प्रतिशत (रु. १४,९३,६२,७४०.२२) बोनस शेयर रहेको छ। बोनस शेयर वितरणपछि बैंकको चुक्ता पूँजी वृद्धि भई रु. ३,८८,३४,३१,२४५.७५ पुगेको छ।
नयाँ नेतृत्व र सञ्चालक समिति गठन वार्षिक साधारण सभाले आगामी ४ वर्षका लागि ६ सदस्यीय नयाँ सञ्चालक समिति निर्विरोध चयन गरेको छ। नवगठित समितिमा संस्थापक शेयरधनीका तर्फबाट उज्ज्वल सत्याल, सुशीलकाजी बानियाँ र श्याम कुमार शर्मा तथा सर्वसाधारण शेयरधनीका तर्फबाट विष्णु प्रसाद ढकाल, कृष्ण प्रसाद रेग्मी र भावना अग्रवाल चयन हुनुभएको छ।
सभा सम्पन्न भएलगत्तै बसेको सञ्चालक समितिको बैठकले उज्ज्वल सत्याललाई सञ्चालक समितिको अध्यक्षमा सर्वसम्मत रूपमा चयन गरेको छ।
अन्य महत्त्वपूर्ण प्रस्तावहरू पारित साधारण सभाले आर्थिक वर्ष २०८२/८३ को वित्तीय विवरण, लेखापरीक्षक नियुक्ति, प्रबन्धपत्र संशोधन तथा अन्य बैंक तथा वित्तीय संस्थासँग मर्जर वा प्राप्ति (अधिग्रहण) सम्बन्धी प्रक्रिया अघि बढाउने लगायतका महत्त्वपूर्ण प्रस्तावहरू समेत पारित गरेको छ।
आम नागरिक तथा ग्राहकहरूको प्रगाढ विश्वास र भरोसालाई आत्मसाथ गर्दै सांग्रिला डेभलपमेन्ट बैंकले हाल देशैभर रहेका १०९ शाखा कार्यालयहरू तथा ३० वटा एटीएममार्फत अत्याधुनिक र सर्वसुलभ बैंकिङ सेवा प्रदान गर्दै आएको छ।
