काठमाडौं । अविरल वर्षासँगै बाढी, पहिरो तथा अतिवृष्टिको सम्भावित जोखिमलाई मध्यनजर गर्दै विभिन्न स्थानीय तहले विद्यालयमा बिदा दिने निर्णय गरेका छन्।
विराटनगर महानगरपालिकाले अविरल वर्षाका कारण हुन सक्ने सम्भावित जोखिमलाई मध्यनजर गर्दै असाेज ८ र ९ गते दुइदिन विद्यालय बिदा दिएको छ।
त्यसैगरी, सम्भावित बाढी, पहिरो तथा अतिवृष्टिको जोखिमलाई ध्यानमा राख्दै पोखरा महानगरपालिकाले सामुदायिक तथा संस्थागत विद्यालयमा दुई दिन स्थानीय बिदा दिएको छ।
सिन्धुलीस्थित कमलामाई नगरपालिकाले पनि सम्भावित जोखिमलाई मध्यनजर गर्दै असाेज ८ देखि १२ गतेसम्मका लागि विद्यालयमा सार्वजनिक बिदन दिनसक्ने जनाएकाे छ। साेही निर्णयलाइ अनुसार जलकन्या मावि चपाैलीले ८ र ९ गते दुइदिन विद्यालय बन्द गर्ने जनाएकाे छ।
वर्षाका कारण जोखिम बढ्न सक्ने भएकाले स्थानीय तहहरूले विद्यार्थीको सुरक्षालाई ध्यानमा राख्दै विद्यालय बन्द गर्ने निर्णय गरेका हुन्।
