२३ वैशाख, काठमाडौं । नेपाल उद्योग वाणिज्य महासंघ नेतृत्व अञ्जन श्रेष्ठको काँधमा आएको छ । वरिष्ठ उपाध्यक्ष स्वतः अध्यक्ष हुने विधान व्यवस्था अनुसार अध्यक्ष भएका हुन । अध्यक्षको कार्यकाल तीन वर्षको हुने विधानमा रहेको छ ।
महासंघ विधानको दफा २९ को उपदफा ३ मा वरिष्ठ उपाध्यक्ष आगामी एक कार्यकालका लागि स्वतः अध्यक्ष हुनेछ र सो पश्चात महासंघ अध्यक्षको प्रत्यक्ष निर्वाचन हुने व्यवस्था छ’ उल्लेख छ ।
विधानको सोही व्यवस्थाका आधारमा श्रेष्ठ महासंघको स्वतः अध्यक्ष बनेका हुन् । महासंघ कार्यकारिणी समिति अध्यक्ष बाहेक पदाधिकारी तथा सदस्यहरूको मंलबार निर्वाचन भएको छ ।
मंगलबार भएको निर्वाचनको अन्तिम मत परिणाम पनि आइसकेको छ ।
महासंघमा वरिष्ठ उपाध्यक्षबाट स्वतः अध्यक्ष हुने श्रेष्ठ चौथो हुन् । यसअघि स्वतः अध्यक्ष हुनेमा भवानी राणा, शेखर गोल्छा र चन्द्रप्रसाद ढकाल वरिष्ठ उपाध्यक्षबाट स्वतः अध्यक्ष भएका थिए ।
