नेपाल टेलिकमले आज देखि एसईई दिइरहेका विद्यार्थीहरुका लागि एसईई अफर शुरु गरेको छ ।
यो योजना आगामी २०८३ असार २६ गतेसम्म उपलब्ध विज्ञप्तिमा उल्लेख छ । यसका लागि २० रुपैयाँमा नयाँ सिमकार्ड नेपाल टेलिकमका देशभरका कार्यालयहरुबाट उपलब्ध रहेको नेपाल टेलिकमका प्रवक्ता रविन्द्र मानन्धरले बताएका छन् ।
सिमकार्ड सक्रिय गरिसकेपछि ३० दिनसम्मका लागि विभिन्न अफरहरु उपलब्ध हुनेछन् । नयाँ सिमकार्डमा मेन व्यालेन्सको रुपमा उपलब्ध हुने रु. ९.८० बाट जुनसुकै नेटवर्कमा कल गर्न, एसएमएस पठाउन वा डाटा चलाउन सकिने छ ।
केके सुविधा उपलब्ध छन् ?
यसमा एसईई प्याकेज २०८२ अन्तर्गत ३० दिन सम्मका लागि प्रतिदिन नेपाल टेलिकमको नेटवर्कभित्र कुराकानी गर्न २० मिनेट अन–नेट भ्वाइस, १० वटा अन–नेट एसएमएस र ५०० एमबी डाटा समेत उपलब्ध हुनेछ भने प्रत्येक दिन प्राप्त हुने सेवा सोही दिनका लागि मात्र कायम रहनेछ ।
अफर अन्तर्गत उपलब्ध हुने बोनस अन रिचार्जमा रु. ५० वा सोभन्दा बढी रकम रिचार्ज गर्दा प्रत्येक रिचार्जमा जुनसुकै समयमा ५०० एमबी डाटा चलाउन, नेपाल टेलिकमकै नेटवर्क भित्र ५० मिनेट कल गर्न र ५० वटा अन–नेट एसएमएस पठाउन सकिने बोनस सुविधा समेत उपलब्ध हुनेछ । रिचार्जमा प्राप्त हुने बोनस प्राप्त भएको तीन दिनभित्र प्रयोग गरिसक्नु पर्दछ ।
१. नयाँ सिम प्राप्त गर्न परीक्षार्थीले एसईईको प्रवेश पत्र (Admit Card) वा कक्षा १० को मार्कसिटको फोटोकपी, एकप्रति फोटो र आफ्नो वा अभिभावकको नागरिकता, राष्ट्रिय परिचयपत्र लगायतका सरकारी परिचयपत्रको फोटोकपी संलग्न गरी फाराम भर्नुपर्नेछ । साथै सिमकार्ड सक्रिय गर्नका लागि स्वयंले *1414# डायल गर्नुपर्नेछ । सो पश्चात् अफर प्राप्त गर्नका लागि ८ज्ञटण्ण्३ डायल गरी निर्देशन अनुसार गर्नुपर्नेछ ।
२. पहिले नै प्रयोग भइरहेको सिममा समेत ८ज्ञटण्ण्३ डायल गरी प्राप्त निर्देशन अनुसार अंग्रेजी अल्फाबेट बाहेक एसईईको सिम्बोल नम्बर (SEE Symbol n\umber Without lAphabet) टाइप गरी सेन्ड (Send) गर्ने ।
३. विक्रम संवतमा जन्म मिति (Date Of Birth ( DOB) टाइप गरी Send गर्ने, म्इद्य टाइप गर्दा YYMMDD Format मा टाइप गर्नुपर्नेछ ।
सबै तथ्यांक प्रमाणिकरण पश्चात अफर उपलब्ध हुनेछ ।
गत वर्ष समेत कम्पनीले विद्यार्थीहरुलाई यस प्रकारको अफर उपलब्ध गराएको र विद्यार्थीहरुको आकर्षण बढेको टेलिकमका प्रवक्ता मानन्धरले जनाए । आकर्षणलाई मध्यनजर गर्दै यसलाई निरन्तरता दिइएको उनले बताए ।
