चैत १४, काठमाडाैं । हाल काठमाडाैं उपत्यका सहति देशका विभिन्न भागमा सामान्य देखी मध्ययम वर्षा भइरहेकाे छ ।
हिजोदेखि देशकाे पहाडी तथा हिमाली भागमा सुरु भएको वर्षाको प्रभाव अब बागमती प्रदेश र त्यसभन्दा पूर्वतर्फ सरेको छ। जल तथा मौसम विज्ञान विभागको पछिल्लो मौसमी विश्लेषण अनुसार यो वर्षा आज दिउँसो २ देखि ३ बजेसम्म कायम रहने देखिन्छ।
पश्चिमी भेगबाट सुरु भएको यो मौसमी प्रणाली बिस्तारै पूर्वतिर सर्ने क्रममा रहेकाले बागमती, कोशी र मधेश प्रदेशका केही पहाडी भूभागमा आज दिउँसोसम्म वर्षा हुने सम्भावना छ। साझपख तिर भने मौसममा क्रमिक सुधार आउने जनाइएकाे छ ।
भोलिको मौसम कस्तो रहनेछ?
भोलि (आइतबार) भने वर्षाको सम्भावना न्यून रहेको छ। मौसमविद्का अनुसार भोलि देशभर वर्षाको ठुलो प्रणाली रहने छैन । यद्यपि, पहाडी भेगका केही स्थानमा अपराह्न दिउँसोपछि हल्का वर्षाको सामान्य सम्भावना रहेको छ।
हिजोदेखिको निरन्तर वर्षाका कारण पहाडी क्षेत्रका सडकहरूमा यात्रा गर्दा सावधानी अपनाउन र मौसममा सुधार नआएसम्म सुरक्षित रहन आग्रह गरिएको छ।
