बुटवल । पूर्वपश्चिम राजमार्गअन्तर्गत बुटवल–नारायणघाट सडकको दाउन्ने खण्ड अवरुद्ध भएको छ ।
सडक मर्मतका लागि एकतर्फी बनाइएको यो सडकमा विहिबार बिहानदेखिको वर्षाका कारण चिप्लो भएर अवरुद्ध भएको जिल्ला प्रहरी कार्यालयले जानकारी दिएको छ ।
वर्षाले दाउन्ने खण्डको विनयी त्रिवेणी गाउँपालिका–२ स्थित विश्वकर्मा मन्दिर र घ्युखोलामा सडक अवरुद्ध भएको छ ।
बिहानैदेखि परेको पानीका कारण बाटो हिलो र चिप्लो हुँदा सवारीसाधन पश्चिमतर्फ जान सकेका छैनन् भने दाउन्ने खण्डमा मालवाहक सवारीसाधन उकालो चढ्न नसकेपछि बिहानदेखि नै दुम्कीवास र बर्दघाटमा रोकिएका छन् ।
