बाढीपहिरोबाट सचेत रहन नागरिक समाजका महासचिब गिरीको आग्रह

काठमाडौ ।  सामाजिक रुपान्तरणका लागि नागरिक समाजका महासचिब अधिवत्ता बिष्णु गिरीले वर्षाबाट हुनसक्ने बाढीपहिरोबाट सचेत रहन सम्पूर्ण नेपालीलाई  आग्रह गरेको छ ।प्राकृतिक विपद्पूर्वका कार्यहरुमा उचित ध्यान दिनु, विपद्को अवस्थाका बारेमा सर्वसाधारणलाई सूसूचित गर्नु र जोखिममा रहेकाहरुलाई उद्धार राज्यका निकायको साथ साथै नागरिकको पनि कतब्र्य रहेकोले सचेत रहन आग्रह गरेका छन् । अतिआवश्यक काम बाहेक यात्रा नर्गन यात्रा गर्नु पर्ने भए बाटोको पूर्ण जानकारी लिएर मात्र यात्रा गर्न सबैमा अनुरोध गरेको छ ।  महासचिब गिरीले विपद्मा उद्धारमा सघाउन राजनीतिक दल, निजी क्षेत्र, नागरिक समाज, सञ्चारमाध्यम, युवापुस्ता, विभिन्न सङ्घ संस्था लगायतलाई आवहान गरेका छन् ।
महासचिब गिरीले विपद्को बेला मानवीय सेवा र सहयोगमा जहिले पनि नागरिक समाजले अग्रेणी भूमिका खेलेको बताउँदै वर्षासँगै बाढी, पहिरो, डुबानजस्ता विपद्का घटना बढ्ने र त्यसबाट जनधनको क्षति हुन सक्ने भएकाले विभिन्न सरकारी निकायहरूले जारी गरेका सूचना पालन गर्न पनि सबैमा अनुरोध गरेका छन् । मेलमिलापकर्ता समेत गरेका गिरीले नदीरखोला तटीय क्षेत्र आसपासका क्षेत्रमा बस्ने र स्थलमार्ग प्रयोग गर्ने सम्पूर्ण यात्रुहरुलाई विशेष सावधानी अपनाउन आग्रह गदै विपद्को बेला मानवीय सेवा र सहयोगमा जुट्नु सबैको कर्तव्य भएको बताएका छन् । महासचिब गिरीले बाढी प्रभाबितको व्यवस्थापन, राहत वितरण र अन्य मानवीय सहयोगका कार्यमा लाग्न नागरिक समाजका सदस्यहरुलाई आवहान समेत गरेका छन् ।