काठमाडाैं । नेपाल टेलिकमले नेपालीहरूको महान चाड दसैं, तिहार र छठ लगायतका पर्वहरूको अवसरमा आफ्ना ग्राहकहरूको लागि विशेष अफर ‘दसैं-तिहार-छठ अफर २०८२’ सार्वजनिक गरेको छ।
सो अफर अन्तर्गत २०८२ असोज ६ गतेदेखि विभिन्न मोबाइल र एफटीटीएच प्याकेजहरूको छुट र सहुलियत दर उपलब्ध गराइनेछ।
अफरका सुविधाहरू
एफटीटीएच प्याकेज जडानमा छुट: नयाँ एफटीटीएच प्याकेज जडान गर्ने ग्राहकहरूलाई जडान शुल्क (रु. ५००) मिनाहा गरिनेछ। यो अफर असोज ६ गतेदेखि ३१ गतेसम्म लागू हुनेछ।
मोबाइल सेवाका विशेष डाटा प्याकेजहरू: जीएसएम सेवाका ग्राहकहरूलाई रु. ४९९ मा ५ जीबी फेस्टिवल अनलिमिटेड डाटा प्याकेज र रु. ६९९ मा १० जीबी फेस्टिवल अनलिमिटेड प्रिमियम डाटा प्याकेज उपलब्ध गराइनेछ। यी प्याकेजहरूमा Fair Usage Policy (FUP) अन्तर्गत निर्धारित डाटा भोल्यूम समाप्त भएपछि क्रमशः २ एमबीपीएस र ३ एमबीपीएस गतिमा अनलिमिटेड डाटा प्रयोग गर्न सकिनेछ।
भ्वाइस र एसएमएस प्याकेजहरू: रु. २५० मा १००० मिनेट अल नेट भ्वाइस सुविधा सहितको ‘जोयफूल मिनेट्स’ प्याकेज तथा रु. ९९ मा १००० अन-नेट एसएमएस सुविधा सहितको ‘फेस्टिव म्यासेज’ प्याकेज उपलब्ध छन्।
यी प्याकेजहरू प्रिपेड मोबाइल प्रयोगकर्ताहरूका लागि २८ दिन र पोस्टपेड मोबाइल प्रयोगकर्ताहरूका लागि ३० दिनसम्म उपलब्ध हुनेछन्।
अफर अवधि: जीएसएम सेवाका प्याकेजहरू असोज ६ गतेदेखि २० गतेसम्म र कार्तिक १ गतेदेखि १० गतेसम्म उपलब्ध हुनेछन्। ग्राहकहरूले आफ्नो मोबाइलबाट 141511# डायल गरेर वा ‘नेपाल टेलिकम एप’ प्रयोग गरेर यी प्याकेजहरू सजिलै खरिद गर्न सक्नेछन्।
यस अफरको मुख्य उद्देश्य चाडपर्वको समयमा आफन्तसँग अझ बढी सम्पर्कमा रहन र डिजिटल सेवाहरूको प्रयोग बढाउन ग्राहकहरूको प्रोत्साहन गर्नु रहेकाे टेलिकमले जनाएकाे छ ।
