काठमाडौँ / एमजी मोटरले आफ्नै नयाँ इलेक्ट्रिक एसयुभी एमजी साइबर X को तयारी तीव्र पारेको छ । मिनी-मर्सिडिज प्रेरित यो कम्प्याक्ट, परिवारमैत्री इलेक्ट्रिक एसयुभी दुई वर्षभित्र बजारमा आउने अनुमान गरिएको छ ।
साइबर X पहिलोपटक शाङ्घाई अटो शोमा बोल्ड कन्सेप्टका रूपमा प्रस्तुत गरिएको थियो । यसको डिजाइन एङ्गुलर र बाक्सी स्टाइलमा तयार हुने भएकाले शहरी प्रयोग र हल्का अफ-रोड दुबैका लागि उपयुक्त हुने कम्पनीले जनाएको छ ।
उत्पादन-तयारी साइबर X मा पाँच ढोकाको लेआउट रहनेछ । यसको स्ट्यान्स प्रिमियम एसयुभी मर्सिडिज EQB जस्तै हुने बताइएको छ । एमजी यूकेका प्रोडक्ट र प्लानिङ प्रमुख डेविड एलिसनले यसलाई “सुजुकी जिम्नीको आध्यात्मिक उत्तराधिकारी” भनेर वर्णन गरेका छन् ।
कन्सेप्ट मोडलको बक्सी र एङ्गुलर डिजाइन कायम राख्दै उत्पादन संस्करणमा परम्परागत हेडलाइट राखिनेछ । प्यानोरामिक रूफको सट्टा आधुनिक र मिनिमल इन्टिरियर हुनेछ, जसमा ठूलो सेन्ट्रल टचस्क्रिन, फुल्ली डिजिटल इन्स्ट्रुमेन्ट क्लस्टर, प्रशस्त हेडरूम र लेगरूम उपलब्ध हुनेछ ।
साइबर X मा नयाँ प्रविधियुक्त सेमी-सोलिड-स्टेट ब्याट्री प्रयोग हुने अपेक्षा गरिएको छ । चालकको प्रयोगशैली र ब्याट्रीको छनोटअनुसार यसको अनुमानित रेंज करिब ४८२ किलोमिटर पुग्नेछ । प्रारम्भिक मोडलहरू सिंगल-मोटर फ्रन्ट-व्हील-ड्राइभ रहनेछन् भने उच्च स्पेक मोडलमा अल-व्हील-ड्राइभ विकल्प पनि उपलब्ध हुने अनुमान छ ।
मूल्य : विश्वव्यापी प्रारम्भिक मूल्य £३०,००० भन्दा कम रहने अनुमान गरिएको छ । आधुनिक प्रविधियुक्त, बजेटमैत्री र व्यवहारिक एसयुभी खोजिरहेका ग्राहकका लागि साइबर X उपयुक्त विकल्प बन्ने एमजी मोटरको दाबी छ ।
ब्रिटिश उत्पत्ति भएको र हाल SAIC मोटर कर्पोरेसनद्वारा स्वामित्व प्राप्त एमजी मोटरले पेट्रोल, हाइब्रिडदेखि लिएर फुल्ली इलेक्ट्रिक कारसम्म उत्पादन गर्दै आएको छ । कम्पनीले दिगो मोबिलिटीलाई प्राथमिकतामा राख्दै विश्वभर नवीनतम र पहुँचयोग्य सवारी साधन प्रस्तुत गर्दै आइरहेको छ ।
