काठमाडाै। आज बुधबार राति विभिन्न प्रदेशका पहाडी भेगमा वर्षा र हिमाली भेगमा हिमपात हुने सम्भावना छ।
मौसम पूर्वानुमान महाशाखाले अघि साँझ ६ बजे जारी गरेको मौसम पूर्वानुमान बुलेटिनअनुसार आज राति सुदूरपश्चिम र कर्णाली प्रदेशका पहाडी भेगमा आंशिकदेखि सामान्य बदली रही देशका बाँकी स्थानमा आंशिक बदलीदेखि मौसम सामान्यतया सफा रहनेछ।
यस क्रममा सुदूरपश्चिम, कर्णाली र गण्डकी प्रदेशका पहाडी भेगका थोरै स्थानमा हल्कादेखि मध्यम वर्षा हुने सम्भावना पनि छ।
साथै सुदूरपश्चिम ,कर्णाली प्रदेशको हिमाली भेगका थोरै स्थान र बाँकी प्रदेशका हिमाली भेगका एक दुई स्थानमा हल्कादेखि मध्यम हिमपातको पनि सम्भावना रहेको बुलेटिनमा उल्लेख गरिएको छ।
