मुगुमा बोलेरो जिप दुर्घटना हुँदा एकजनाको मृत्यु

भदाैं १९ । मुगुको सोरु गाउँपालिका– ६ बन्जाँहामा बोलेरो जिप दुर्घटना हुँदा एकजनाको मृत्यु भएको छ। बुधबार बिहान करिब ८ः३० बजेको समयमा जिप दुर्घटना भएको हो।

सोरुकोटदेखि गमगढी बजारतर्फ आउँदै गरेको ग.१ज ६४६७ नम्बरको बोलेरो जिप सडकको मोडमा ब्याक गर्ने क्रममा करिब १०० मिटर तल खस्दा गाडीमा सवार दुईमध्ये जिपचालक सोरु– ३ भिईगाउँका नरबहादुर बुमीको घटनास्थलमै मृत्यु भएको जिल्ला प्रहरी कार्यालय मुगुले जनाएकाे छ। उनी जिपधनीसमेत रहेकाे जनाइएकाे छ।