– रुद्र बहादुर खड्का
बैशाख १३, सिन्धुली । सिन्धुलीको सुनकोशी गाउँपालिका ५ धोविखोलामा केहि महिना अगाडि प्रहरीले दुइ थान भरुवा बन्दुक फेला पारेको छ। काठ र फलामबाट बनेको १ नाले एक थान भरुवा बन्दुक र निलो रङको प्लास्टिकले बेरेर राखिएको बेवारिसे अवस्थामा काठ र फलामबाट बनेको १ नाले एक थान गरी जम्मा २ थान भरुवा बन्दुक प्रहरीले बरामद गरेको हो ।
बन्दुक फेला पर्नु केहि दिन अगाडि सोहि ठाउँका स्थानिय ३५ वर्षिय लालबहादुर श्रेष्ठलाई बारीमा घास काट्न जादाँ एक्कासी बायाँ घुँडामा गोली लागेको थियो ।
घटनाको थप अनुसन्धान गर्दा स्थानिय सन्तु भन्ने ईन्द्र बहादुर तामाङको बारीमा मकैको ढोडको थुप्रो भित्र लुकाई छिपाई राखेको दुइ थान भरुवा बन्दुक प्रहरीले फेला पारेको थियो । उक्त घटनाको प्रहरीले थप अनुसन्धान गरिरहेको जनाएको छ ।
२०८० जेष्ठमा अबैध भरुवा बन्दुक सहित प्रहरीले दुई जनालाई पक्राउ गरेको थियो । हरिहरपुरगढी गाँउपालिका वडा नं. ३ बगैचाका चन्द्रवहादुर पाख्रिन र कमलामाई नगरपालिका १३ माथिल्लो रानिबासका केशब हायुलाई बन्दुक सहित पक्राउ गरेको थियो ।
पाख्रिनको घरमा बिना ईजाजत भरुवा बन्दुक लुकाई छिपाई राखेको छ भन्ने सुचनाको आधारमा प्रहरीले खानतलासी गर्दा दोस्रो तल्लाको बिच कोठाको ढोका छेउमा ठड्याएर राखेको अबस्थामा १ थान भरुवा बन्दुक फेला पारेको थियो ।
भरुवा बन्दुक सहित पाख्रिनलाई नियन्त्रणमा लिएको प्रहरीले जनाएको छ । यस्तै, हायुको घरमा बिना ईजाजत भरुवा बन्दुक लुकाई छिपाई राखेको अवस्थामा एकथान भरुवा बन्दुक फेला परेको थियो ।
त्यस्तै, कमलामाई नगरपालिक वडा नं ८ बाधठेडा जंगलमा हिरालाल स्याङताङले भरुवा बन्दुक लिएर हिँडिरहेको अवस्थामा सोमवार प्रहरीले नियन्त्रणमा लिई अनुसन्धान गरी रहेको जनाएको छ ।
