- रूद्रबहादुर खड्का
बैशाख ५, सिन्धुली । सिन्धुलीमा ८ महिनाको समयमा १ सय ४१ वटा सवारी साधन दुर्घटनामा परेका छन् । आर्थिक वर्ष २०८०÷८१ साउन महिनादेखि चैत महिनासम्ममा जिल्लाको तीन ठूला राजमार्गहरु वीपी, मध्यपहाडि र मदन भण्डारी राजमार्ग र भित्रि सडकमा गरि १ सय ४१ वटा सवारी साधन दुर्घटना भएका हुन् । उक्त सवारी साधन दुर्घटनामा परी १८ जनाको मृत्यु भएको हो भने २ सय ४७ जना घाइते भएको जिल्ला ट्राफिक कार्यालय सिन्धुलीका प्रमुख यज्ञबहादुर पालले बताए ।
साउन महिनामा ८ वटा सवारी साधन दुर्घटनामा पर्दा ११ जना मानिस घाइते भएका छन् । भदौ महिनामा १३ वटा सवारी साधन दुर्घटना हुँदा २ जनाको मृत्यु भएको छ भने ३२ जना घाइते भएका थिए । असोज महिनामा १२ वटा सवारी साधन दुर्घटनामा पर्दा ३५ जना घाइते भएका छन् भने कार्तिक महिनामा २४ वटा सवारी साधन दुर्घटना हुँदा १ जनाको मृत्यु र ४८ जना घाइते भएको ट्राफिक प्रमुख पालले बताए ।
मङ्सिर महिनामा २२ वटा सवारी साधन दुर्घटना हुँदा ३ जनाको मृत्यु भएको छ भने ४६ जना मानिस घाइते भएका थिए । पुस महिनामा जिल्लामा १५ वटा सवारी साधन दुर्घटना भएकोमा ५ जना मानिसको मृत्यु र १५ जना मानिस घाइते भएका छन् ।
माघ महिनामा १५ वटा सवारी दुर्घटनामा पर्दा १ जना मानिसको मृत्यु तथा २० जना घाइते भएका छन् भने फागुन महिनामा २२ वटा सवारी दुर्घटना हुँदा ५ जनाको मृत्यु तथा ५० जना घाइते र चैत महिनामा १० वटा सवारी दुर्घटना हुँदा १ जनाको मृत्यु भएको छ भने १४ जना मानिस घाइते भएको बताइएको छ
