फागुन १, काठमाडौं । तत्कालीन नेकपा माओवादी जनयुद्धका एक योद्धा तथा जनपत्रकार मनऋषि धितालद्वारा लिखित ‘जनयुद्धकालीन डायरीहरु’ विमोचन भएको छ ।
२९औँ जनयुद्ध दिवसको अवसरमा प्रधानमन्त्री पुष्पकलम दाहाल ‘प्रचण्ड’ले गुफाप्रेसका चिठी, जेलयात्रा, बेनीयात्रा, आधारयात्रा, राजमार्गयात्रा, पिलीयात्रा, गण्डकयात्रा लगायतका सात पुस्तक एकमुस्ट विमोचन गरेका हुन ।
प्रधानमन्त्री ‘प्रचण्ड’ले जनयुद्धका कठिन कालखण्डलाई जिवन्त राख्नुपर्छ भन्ने जिम्मेवारी बोध गरेर पुस्तकहरु विमोचनमा ल्याएको भन्दै लेखकप्रति धन्यवाद व्यक्त गरे । उनले भावी पुस्तालाई ईतिहासको अनुभव र अनुभुती प्रत्यक्षरुपमा प्रस्तुत गर्ने ऐतिहासिक पुस्तक हुने बताए ।
महान् जनयुद्धकाे साक्षीका रुपमा आफुले भोगेको, देखेको र सुनेका विषयवस्तुलाई जनयुद्धकालीन भाषामा उतारेको पुस्तकका लेखक तथा पत्रकार मनऋषि धितालले बताए । पुस्तकमा जनयुद्धका क्रममा सुरक्षाका कारणले राखिएका पात्रहरुलई हुवहु राखिएको छ । जनयुद्धका करिब पच्चिससय नायकहरुको अनुभूति र संवादलाई एक वाक्यदेखि एक पृष्ठसम्म समेटिएकाे पत्रकार धितालले बताए ।
