२६ माघ, काठमाडौं । ड्यूटी सकेर काेठा फर्किनेक्रममा प्रहरीको भ्यानबाट लडेर प्रहरी सहायक हवल्दार हेमराज एलजीको मृत्यु भएको छ ।
जिल्ला प्रहरी परिसर काठमाडौंका अनुसार, गएराति ११ः१५ बजे ड्यूटी सकेर फर्किनेक्रममा प्रहरीको बा १ झ ७४१८ नम्बरको गाडीबाट लडेर एलजीको मृत्यु भएको हो ।
प्रहरीका अनुसार, सतुंगल नजिकै कोठामा जाँदा ओर्लिने बेला पछाडिबाट सडकमा खस्दा मृत्यु भएको प्रारम्भिक जनाइएकाे छ ।
एलजीको शवलाई पोष्टमार्टमका लागि त्रिवि शिक्षण अस्पताल महाराजगञ्ज पठाएको र भ्यान चालक सहायक हवल्दार रामप्रसाद यादवलाई नियन्त्रणमा लिएन थप अनुसन्धान गरिरहेकाे प्रहरीले जनाएकाे छ ।
