पुस २९ , सिन्धुली । कमलामाई नगरपालिका वडा नम्बर ३ चपौलीका स्थानीयले मेयर उपेन्द्र कुमार पोखरेललाई भेटेर वडामा हुने विकास निर्माणका सम्बन्धमा ध्यानाकर्षण गराएका छन् । विकास निर्माण लगायत सार्वजनिका सरोकारका विषयमा हुने अनुगमन तथा निरिक्षणका क्रममा सराेकारवालाको सहभागिता गर्ने वातावरण मिलाउन मेयर समक्ष आग्रह गरेका हुन । वडामा सञ्चालित विभिन्न विकास निर्माणका आयोजनामा आफुहरुलाई सहभागि नगरेको भन्दै स्थानीयले दुखेसो व्यक्त गरेका छन् ।
संघीय सरकारबाट हस्तान्तरित कार्यक्रम र स्थानीय निकायबाट प्राप्त अनुदानमा पुरानोचौकी आगे सडकखण्ड गतबर्ष पुरानोचौकीबाट काम सुरुभएकोमा यसवर्ष पनि वडाले त्यहीबाट काम नथाली मावि चोकबाट गर्नलागेको भन्दै उनिहरूले असहमती जनाएका हुन ।
नेकपा (माओवादी केन्द्र) चपौलीका इन्चार्ज ऋषी सिग्देलले विकास निर्माणका लागि स्थानीय तह, संघ वा प्रदेश जहाबाट विनियोज बजेट भएपनि सरोकारवालासंगको छलफल र सुझावका आधारमा हुनुपर्ने बताए ।
स्थानीय युवा उद्यमी बलराम अधिकारीले सार्वजनिक सरोकार, सुशासन पारदर्शिता तथा वडाको संमृद्धिका लागि विगतदेखि नै आवज उठाउदै आएको बताए । सबैपक्षको सहभागितामा सबै क्षेत्र र वर्गका समुदायलाई समेट्नेगरी विकास निर्माणका काम हुनुपर्ने अधिकारीले बताए ।
मेयर पोखरेलले स्थानीयको जनगुनासोका लागि नगपालिकका सदैव खुल्ला रहेको भन्दै काम गर्ने क्रममा भएका कमिकमजोरीलाई सच्याउदै अघि बढ्ने बताउनुभयो । बाटो निर्माण गर्ने विषयमा देखिएको असमझदारीलाई छिटै स्थानीयको सहभागितामा वडामै गएर समस्या हल गर्ने मेयर पोखरेलले बताउनुभयो ।
यस्तै नेपाली कांग्रेस, कनपा ३ चपौलीले पनि पुरानोचौकी आगे बाट काम थाल्नुपर्नेमा वडाले फेरबदल गरेको भन्दै २०८० पुस २० गते वडा अध्यक्षलाई पत्र लेखेर असहमति जनाएको थियो ।
कमलामाइ नगरपालिकाले साउन २० गते सूचना निकालेर पुरानोचौकी आगे परियोजनाका लागि ५८ लाख ३३ हजार ३ सय ३३ रुपौया अनुदान रकम उपलब्ध गराएको थियो । बजेट थोरै भएका कारण दुबैतिरबाट काम थाल्दा बाटो जोडिने अवस्था नरहेको भन्दै पुरानोचौकीबाट नै कामलाई निरन्तरता दिदा काम गर्न सजिलो पनि हुने र काम धेरै पनि देखिने स्थानीयको भनाइ रहेको छ ।
