काठमाडौँ — गरिमा विकास बैंक लिमिटेडको प्रवर्द्धन तथा गरिमा क्यापिटल लिमिटेडको व्यवस्थापनमा सञ्चालित ‘गरिमा सुवर्ण योजना’का इकाईहरूको नियमित खरिद-बिक्री तथा अनलाइन कारोबार प्रणाली औपचारिक रूपमा सञ्चालनमा आएको छ।
सामूहिक लगानी कोष ‘गरिमा म्युचुअल फण्ड’ अन्तर्गतको यस पहिलो खुलामुखी योजनामा लगानीकर्ताहरूलाई सहज, सुरक्षित र प्रविधिमैत्री सेवा दिन २०८३ साउन २६ गतेदेखि अनलाइन दर्ता तथा कारोबार खुला गरिएको क्यापिटलले जनाएको छ।
अनलाइन प्रणालीबाट पाइने प्रमुख सुविधाहरू:
- एकमुष्ठ लगानी: इकाई खरिदका लागि अनलाइन आवेदन तथा रकम भुक्तानी सुविधा।
- एसआईपी (SIP) सेवा: व्यवस्थित लगानी योजना (SIP) दर्ता, किस्ता भुक्तानी, संशोधन तथा रद्द गर्ने सुविधा।
- लाभांश पुनः लगानी योजना: प्रतिफललाई पुनः लगानी गर्न ‘DRIP’ दर्ता सुविधा।
- इकाई पुनर्खरिद: आफूसँग रहेका इकाईहरू अनलाइनबाटै बिक्री (Redemption) गर्न सकिने व्यवस्था।
- प्रयोगकर्ता व्यवस्थापन: अनलाइन प्रणालीको दर्ता, लगइन तथा प्रोफाइल व्यवस्थापन।
लगानीकर्ताहरूले योजनाको आधिकारिक पोर्टल (gsym.garimacapital.com) वा गरिमा क्यापिटल र गरिमा विकास बैंकको वेबसाइटमार्फत यो सेवा लिन सक्नेछन्।
अनलाइन कारोबार बाहेक भौतिक रूपमा उपस्थित भई सेवा लिन चाहने लगानीकर्ताले कमलपोखरीस्थित गरिमा क्यापिटलको कार्यालय तथा गरिमा विकास बैंकका देशभरका जुनसुकै शाखा कार्यालयबाट पनि सेवा प्राप्त गर्न सक्नेछन्।
