गायन रियालिटी शो ‘द भ्वाइस अफ नेपाल सिजन -४’ को उपाधि करन राईले जितेका छन्। शुक्रबार बेलुकी भएको ग्राण्ड फिनालेमा अमेरिका बस्दै आएका करनले उपाधि जित्दै २५ लाख रुपैयाँ नगद हात पारे।
फिनालेमा राजु लामाको टिमबाट करन राईसहित प्रमोद खरेलको टिमबाट योगेश मगर, राजेश पायल राईको टिमबाट सविना योङहाङ र प्रविशा अधिकारीको टिमबाट शाइल लिम्बु उपाधिका लागि भिडेका थिए। तर, राईले बढी भोट पाउँ विजेता बन्न सफल भए।
राजुको टिमले पहिलोपटक विजेता पाएको हो।
सिजन–१ मा कोच दीप श्रेष्ठबाट सिडी विजय अधिकारी, सिजन-२ मा टिम प्रमोदबाट राम लिम्बु र सिजन ३ मा पनि टिम प्रमोदबाट नै किरण गजमेरले ‘द भ्वाइस अफ नेपाल’को उपाधि जितेका थिए।
