काठमाडौँ। आश्विन २६, जिल्ला होटल व्यवसायी संघ काठमाडौँको आयोजनामा विजया दशमी, शुभ दीपावली, नेपाल संवत् तथा छठ पर्व २०८३ को पावन अवसरमा शुभकामना आदानप्रदान कार्यक्रम सम्पन्न भएको छ।
कान्तिपथस्थित होटल एल्लोप्यागोडामा आयोजित उक्त कार्यक्रममा काठमाडौँ क्षेत्रका होटल व्यवसायीहरू, संघका प्रतिनिधिहरू तथा सरोकारवालाहरूको उल्लेख्य उपस्थिति रहेको थियो।
कार्यक्रममा बोल्दै वक्ताहरूले नेपालीहरूको महान् चाडपर्वहरूले एकापसमा भ्रातृत्व, सद्भाव र एकता सुदृढ बनाउन मद्दत पुर्याउने विश्वास व्यक्त गरे। साथै, पर्यटन तथा आतिथ्य (होटल) क्षेत्रको विकास, प्रवर्द्धन र विद्यमान चुनौतीहरूबारे समेत छलफल गरिएको थियो।
संघले सम्पूर्ण पर्यटन व्यवसायी तथा देश-विदेशमा रहेका नेपालीहरूमा दसैँ, तिहार, नेपाल संवत् र छठको सुखद् उपलक्ष्यमा हार्दिक मङ्गलमय शुभकामना व्यक्त गरेको छ।
