- खगेन्द्र फुयाल
चैत २५, काठमाडौं । प्रशासकीय अदालतले सिंहदरबार भित्र रहेको आफ्नो कार्यालय आउनेहरुका लागि नयाँ नियम जारी गरेको छ ।
नयाँ नियम जारी भएसँगै कानुन व्यवसायीहरुलाइ भने सिंहदरबार प्रवेशमा असुविधा हुने भएको छ । यसअघि कानुन व्यवसायीहरुलाइ अधिवक्ताकाे परिचयपत्रका आधारमा प्रवेश दिइदै अाएकाे िथयाे ।
कार्यालयले चैत २४ गते सूचना प्रकाशन गरी कानुन व्यवसायीहरुका लागि नागरिक एपमार्फत गेटपासका आधारमा सिंहदरबार प्रवेश गर्नुपर्ने उल्लेख छ । पदाधिकारी तथा कर्मचारीहरुलाई परिचयपत्रका आधारमा प्रवेश दिइने जनाइएको छ ।
त्यसैगरी, मुद्दाका पक्ष वा वारेस भएहरुलाई वारेशनामा वा तारिख पत्रका आधारमा प्रवेश गर्न पाइने छ । आगन्तुक तथा सरोकारवालालाइ अदालतको इ पासका आधारमा प्रवेश हुने उल्लेख छ ।
