काठमाडाैं । प्रधानमन्त्री सुशीला कार्कीको उपस्थितिमा गैर आवासीय नेपाली संघ (एनआरएन) बीच एकता सम्बन्धी सहमतिमा हस्ताक्षर भएको छ ।
आज महेश श्रेष्ठ र डा. बद्री केसीकाे नेतृत्वमा रहेकाे एनआरएनएबीच एकता गर्ने सहमति भएकाे हाे । सहमति पत्रमा श्रेष्ठ र केसीले हस्ताक्षर गरेका हुन् ।
एकतापछि १७ अप्रिल २०२६ सम्ममा १२ औँ महाधिवेशन गर्ने सहमति जुटेको छ । केसी नेतृत्वको कार्यसमिति श्रेष्ठको नेतृत्वमा एकता महाधिवेशनमा जान तयार भएको छ ।
महाधिवेशनलाई पारदर्शी एवं विश्वासयोग्य बनाउन ११ सदस्यीय स्टेयरिङ कमिटी गठन गर्ने, त्यस्तो कमिटीमा रहेका व्यक्ति १२औँ महाधिवेशनमा उम्मेदवार नहुनेजस्ता सहमति जुटेको छ ।
सहमति पत्रमा ११औँ अन्तर्राष्ट्रिय महाधिवेशनबाट निर्वाचित कार्य समितिका अध्यक्ष बद्री केसी र एकताको महाधिवेशनबाट निर्वाचित कार्यसमितिका अध्यक्ष महेशकुमार श्रेष्ठले हस्ताक्षर गरेका छन् ।
