ललितपुर । अशोज ८,सोपान मल्टिपल कम्पनी लिमिटेडले आज एक कार्यक्रम गरी १७ औं बार्षिक साधारण सभा सम्मन्न गरेको छ ।
कम्पनीले आ.व. २०८१÷०८२ मा आर्जन गरेको नाफाको रकम मध्येबाट केहि रकम रिजर्भमा राखि बाँकि रकम शेयरधनीलाई ३५ प्रतिशत नगद लाभांश तथा ३० प्रतिशत बोनश शेयर, कर बाहेक बितरण गरेको छ ।
यस कम्पनीको धितोपत्रको प्राथमिक सार्वजनिक निश्काशन IPO प्रिमियम मुल्यमा जारी गर्ने प्रक्रिया अगाडि बढाउन गत आ.व.मा नै निष्काशन तथा बिकि प्रबन्धक नियुक्ति सम्झौता गरि सकिएको छ। साथै आ.व. २०८२÷०८३ भित्र कम्पनीको IPO का लागि नेपाल धितोपत्र बोर्डमा नियम बमोजिमका कागजात सहित निवेदन दर्ता गर्ने भएको छ।
सोपान मल्टिपल कम्पनीको अधिकृत पूँजी २ अर्ब रहेको छ, भने जारी पू्ँजी १ अर्ब ४५ करोड ७५ लाख रुपैया रहको छ । कम्पनीको संस्थापक तर्फ ८० प्रतिशत र साधारण तर्फ २० प्रतिशत शेयर रहेको छ ।
