काठमाडौं । नेपालका लागि नवनियुक्त अमेरिकी राजदूत डिन रिचार्ड थोम्पसनले प्रधानसेनापति प्रभुराम शर्मासँग भेट गरेका छन ।
सैनिक मुख्यालय जङ्गीअड्डामा मंगलबार भएको भेटवार्तामा उनीहरुबीच दुई पक्षीय सम्बन्ध, विपद व्यवस्थापन जस्ता विषयमा छलफल भएको राजदुत थोम्पसनले टुइट गरेका छन् ।
पारस्परिक सम्बन्धका विषयमा विचारविमर्श भएको सैनिक जनसम्पर्क तथा सूचना निर्देशनालयले जनाएको छ ।
सेनाले यस्ता भेटघाटले दुई देशबीचको सम्बन्धलाई सुमधुर एवं प्रगाढ तुल्याउन थप मद्दत पुग्ने विश्वास लिएको छ ।