काठमाडौं । सुनको भाउ थप महँगिएको छ । आज नेपाली बजारमा छापावाला सुनको भाउ तोलामा १ हजार १०० रुपैयाँले बढेको हो ।
अघिल्लो दिन १ लाख २६ हजार ८०० रुपैयाँमा किनबेच भएको थियो । तर, आज भने बढेर १ लाख २७ हजार ९०० रुपैयाँ कायम भएको नेपाल सुनचाँदी व्यवसायी महासंघले जनाएको छ । जुन, हालसम्मकै उच्च हो । महासंघका अनुसार तेजावी सुनको भाउ १ लाख २७ हजार ३०० रुपैयाँ तोकिएको छ ।
यस्तै, आज चाँदीको भाउ पनि वृद्धि भएको छ । चाँदी प्रतितोला २० रुपैयाँले वृद्धि भई १ हजार ५१० रुपैयाँ कायम भएको छ ।
