सिन्धुलीबाट बलराम अधिकारीको सहयोगमा
काठमाडौं । सिन्धुली जिल्ला अस्पतालले आजबाट मृगौला डाइलासीस सेवा सुरु गरेको छ ।
कनपा ६ का २९ बर्षका एक बिरामीको डाईलासिस सफल भएपछि आजबाट सिन्धुली अस्पतालमा विधिवत रुपमा डाईलासिस सेवा शुरूवात भएको अस्पतालले जनाएको छ ।
मृगौलाको बिरामिका लागि डाईलासिस उपचार सुरु भएको अस्पतालका सुपरिटेन्डेन्ट डा.उमेश प्रधानले जानकारी दिएका छन् ।
प्रदेश सरकारले सिन्धुली जिल्ला अस्पताललाई ५ वटा डाईलासिस मेसिन दिएपछि सेवा सुरु गरिएको डा.प्रधानले बताए ।
डाईलासिस सेवासंगै विरामीले उपलब्ध अन्य सेवा निशुल्क लिन सक्नेछन् । अस्पतालमा जडान गरिएका ५ वटा डाईलासिस मेसिनले दैनिक १५ जनासम्म बिरामिले सेवा लिन सक्ने डा.प्रधानले बताए ।
