काठमाडाैं । सामाजिक सञ्जाल र मिडिया काउन्सिल विधेयकविरुद्ध आन्दोलन गर्दै आएको श्रमजीवी पत्रकार संघ नेपालले २७५ सांसदलाई सदनमा आवाज उठाउन मोबाइलमा सन्देश पठाएको छ ।
‘माननीयज्यू नमस्ते ! सामाजिक सञ्जाल र मिडिया काउन्सिल विधेयकमा प्रेस तथा अभिव्यक्ति स्वतन्त्रता विरोधी बुँदा हटाउन, सरकारी सञ्चार निकायहरू प्रभावकारी बनाउन र श्रमजीवी पत्रकारको पारिश्रमिक वृद्धिका लागि सदनमा आवाज उठाइदिनु हुन अनुरोध गर्दछौं,’ संघले सोमबार सांसदहरूलाई पठाएको सन्देशमा भनिएको छ ।
सामाजिक सञ्जाल र मिडिया काउन्सिल विधेयकमा उल्लेखित प्रेस तथा अभिव्यक्ति स्वतन्त्रता विरोधी बुँदा हटाउन, सरकारी सञ्चार निकायहरू प्रभावकारी बनाउन र श्रमजीवी पत्रकारको पारिश्रमिक वृद्धिका लागि पहल गर्न आग्रहसहितको सन्देश जिल्लाबाट प्रदेश सांसदहरूलाई पनि मोबाइलबाट पठाइएको संघका अध्यक्ष जन्मदेव जैसीले बताए ।
